தெய்வத்தாய்

கணவருடன் ஏற்பட்ட தகராறில் 1 வயது குழந்தையை கொன்று தற்கொலைக்கு முயன்ற தாய் கைது

குன்னூர், நவ.29 - 2009. தினத்தந்தி

குன்னூர் அருகே வெலிங்டன் ஜெயந்தி நகரை சேர்ந்தவர் அரிகரன். இவரது மனைவி சியாமளா (வயது 26). இவர்களுக்கு 1 வயது ஆண் குழந்தை உள்பட 2 குழந்தைகள் உள்ளன. அரிகரன் சபரிமலை அய்யப்பனுக்கு மாலை அணிய முடிவு செய்து இருந்தார்.

இந்த நிலையில் அரிகரன் சபரிமலைக்கு மாலை போடுவது, அவரது மனைவி சியாமளாவுக்கு விருப்பம் இல்லாமல் இருந்தது. இதனால் அவர்களுக்கு கருத்து வேறுபாடு இருந்து வந்தது.

வாக்குவாதம்

இதனை தொடர்ந்து நேற்று முன்தினம் அரிகரனுக்கும், சியாமளாவுக்கும் கடும் வாக்குவாதம் ஏற்பட்டது. வாக்குவாதம் நடக்கும் போது அரிகரன் வெளியே செல்கிறேன் என்று கூறிவிட்டு, வீட்டை விட்டு வெளியே சென்று விட்டார்.

சியாமளா தனது குழந்தைக்கு காயம் ஏற்பட்டாலோ அல்லது ஏதாவது அசம்பாவிதம் ஏற்பட்டாலோ, சபரி மலைக்கு மாலை போடுவதை தனது கணவன் செய்யப்பட்டார் என்று நினைத்து இருந்தார்.

குழந்தை கொலை:

இந்த சமயத்தில் அரிகரன் வீட்டை விட்டு வெளியே சென்றவுடன், சியாமளா வீட்டின் பின்புறம் வைத்திருந்த தண்ணீர் தொட்டிக்குள் தனது ஒரு வயது ஆண் குழந்தையான அபினுவை போட்டு, மூடி விட்டார். இது குறித்து தனது கணவனிடம் அவர் எதுவும் கூறவில்லை. பின்னர் சிறிது நேரம் கழித்து தண்ணீர் தொட்டியை திறந்து பார்க்கும் குழந்தை அபினு இறந்து கிடந்தது.

இதனால் அதிர்ச்சி அடைந்த சியாமளா, தானும் தற்கொலை செய்து கொள்ள, வீட்டை விட்டு வெளியே ஓடி வந்து, வெலிங்டன் எம்.ஆர்.சி. வளாகத்தில் இருந்த கிணற்றில் குதித்து விட்டார். அவள் கிணற்றில் குதிப்பதை ராணுவ வீரர் ஒருவர் பார்த்துவிட்டார். உடனே அந்த ராணுவ வீரர் சியாமளாவை காப்பாற்றி னார்.

இதற்கிடையில் குழந்தை தண்ணீர் தொட்டியில் மூழ்கி கிடப்பது அந்த கிராம மக்களுக்கு தெரிய வந்தது. உடனடியாக இறந்த குழந் தையை எடுத்துக் கொண்டு கிராம மக்கள் குன்னூர் அரசு ஆஸ்பத்திரிக்கு கொண்டு சென்றனர். அங்கு டாக்டர்கள் குழந்தை செத்து விட்டதாக கூறினார்கள்.

அதே நேரத்தில் கிணற்றில் குதித்து தற்கொலைக்கு முயன்ற சியாமளாவையும் கிராம மக்கள் குன்னூர் அரசு ஆஸ்பத்திரியில் சிகிச்சைக்காக சேர்த்தனர். அங்கு அவருக்கு சிகிச்சை அளிக்கப்பட்டு வருகிறது.

தாய் கைது

இது பற்றி தகவல் அறிந்த குன்னூர் போலீஸ் துணை சூப்பிரண்டு தர்மராஜ் உத்தரவின் பேரில் வெலிங்டன் போலீஸ் இன்ஸ்பெக்டர் லோகநாதன், சப்-இன்ஸ்பெக்டர் பிலிப் மற்றும் போலீசார் வழக்கு பதிவு செய்து, விசா ரணை நடத்தினர். தொடர்ந்து போலீசார் குழந்தையை கொன்று தற்கொலைக்கு முயன்ற தாய் சியாமளாவை கைது செய்தனர்.

குழந்தையை கழுத்தை நெரித்து கொன்ற தாய்க்கு ஆயுள் தண்டனை

அக்டோபர் 16,2009. செய்தி: தினத்தந்தி

பெரம்பலூர்: பெரம்பலூர் அருகே, ஐந்து வயது குழந்தையை கழுத்தை நெரித்து கொலை செய்த தாய்க்கு, ஆயுள் தண்டனை வழங்கி, பெரம்பலூர் நீதிமன்றம் உத்தரவிட்டது. பெரம்பலூர் ரெங்கா நகரைச் சேர்ந்தவர் அப்துல்ரஹீம்(35);

இவரது மனைவி வகிதா(30). அப்துல்ரஹீம், ஏழு ஆண்டுக்கு முன், கூலி வேலைக்கு ரியாத்துக்கு சென்றார். வகிதா, தனது ஐந்து வயது மகள் பர்கானாவுடன், திருச்சி மாவட்டம் கொளக்குடியில் உள்ள தன் அப்பா ஜமால்முகமது வீட்டில் வசித்து வந்தார். கடந்த 2007ம் ஆண்டு ஜூன் 20ம் தேதி, அப்துல்ரஹீம், வகிதாவுக்கு போன் செய்து, "உனது நடத்தையில் சந்தேகம் உள்ளது.

அதனால், பெரம்பலூரில் எனது தாய் வீட்டில் தங்கியிரு. மகள் பர்கானாவை பெரம்பலூரில் உள்ள பள்ளியில் சேர்த்து படிக்க வை' என்று கூறினார். அன்றிரவு, வகிதா தனது மகள் பர்கானாவுடன் பெரம்பலூரில் உள்ள தன் மாமியார் பஷீரா வீட்டுக்கு வந்து தங்கினார். அடுத்த நாள் (21ம் தேதி) காலை 9 மணிக்கு, வகிதா தனது மாமியார் பஷீராவிடம், பர்கானாவுக்கு இட்லி வாங்கி வருமாறு கூறி கடைக்கு அனுப்பினார்.

வீட்டில் விளையாடிக் கொண்டிருந்த பர்கானாவை அழைத்து, தன் சேலை முந்தானையால் கழுத்தை நெரித்து கொலை செய்து விட்டு, வகிதா தப்பி ஓடி விட்டார். போலீசார், வகிதாவை கைது செய்து சிறையில் அடைத்தனர். பின், வகிதா ஜாமீனில் வெளியில் வந்தார். இவ்வழக்கு, பெரம்பலூர் குற்றவியல் நீதிமன்றத்தில் நடந்தது. பின், பெரம்பலூர் மகிளா கோர்ட்டுக்கு மாற்றப்பட்டு விசாரணை நடந்தது. வழக்கை விசாரித்த மகிளா கோர்ட் நீதிபதி, நேற்று, வகிதாவுக்கு ஆயுள் தண்டனையும், 2,000 ரூபாய் அபராதமும், அபராதம் கட்டத்தவறினால் ஆறு மாத காலம் சிறை தண்டனையும் விதித்து தீர்ப்பளித்தார். வகிதா, திருச்சி பெண்கள் மத்திய சிறையில் அடைக்கப்பட்டார்.

திமுக முன்னாள் எம்.எல்.ஏயின் தம்பியை கள்ளக் காதலனுடன் சேர்ந்து கொலை செய்த மனைவி

முன்னாள் எம்.எல்.ஏ. தம்பி கொலையில் மனைவி, கள்ளக்காதலன் கைது. பரபரப்பு வாக்குமூலம்

விளாத்திகுளம், செப்.25- 2009. செய்தி - தினத்தந்தி, தினமலர்

முன்னாள் எம்.எல்.ஏ. தம்பி கொலை செய்யப்பட்டது தொடர்பாக அவரது மனைவி மற்றும் கள்ளக்காதலனை போலீசார் கைது செய்துள்ளனர். கைதான கள்ளக்காதலன் போலீசில் பரபரப்பு வாக்குமூலம் கொடுத்துள்ளார்.

தூத்துக்குடி மாவட்டம் விளாத்திகுளம் அருகே உள்ள அரியநாயகிபுரத்தை சேர்ந்தவர் சங்கரராமு மகன் குட்டி என்ற ராஜராஜன் (வயது 40). விவசாயி.

இவருக்கு கிருஷ்ணகுமாரி (36) என்ற மனைவியும், கோகுல் (13) என்ற மகனும், ரம்யா (8) என்ற மகளும் உள்ளனர். கிருஷ்ணகுமாரி சத்துணவு அமைப்பாளராக உள்ளார்.

ராஜராஜனின் அண்ணன் குமரகுருபர ராமநாதன் விளாத்திகுளம் முன்னாள் தி.மு.க. எம்.எல்.ஏ. ஆவார். இவர் தற்போது ம.தி.மு.க. மாவட்ட பொருளாளராக உள்ளார். ராஜராஜன் கடந்த 2 நாட்களுக்கு முன்பு கொலை செய்யப்பட்டார்.

இதுதொடர்பாக போலீசார் பல்வேறு கோணங்களில் விசாரணை நடத்தினர்.

இந்தநிலையில் ராஜராஜன் கொலை தொடர்பாக அதே ஊரை சேர்ந்த ஷாஜகான் (24) என்பவரை போலீசார் கைது செய்தனர்.

கைதான ஷாஜகான் போலீசாரிடம் அளித்துள்ள வாக்குமூலத்தில் கூறி இருப்பதாவது:-

எனது சொந்த ஊர் அரியநாயகிபுரம். எனக்கு திருமணம் ஆகவில்லை. 9-ம் வகுப்பு வரை படித்துள்ளேன். எங்களது வீட்டின் பக்கத்திலேயே ராஜராஜனின் வீடு உள்ளது. எனவே அவரிடம் பழக்கம் இருந்ததால் அவரது வீட்டிற்கு சென்று அனைவரிடமும் அன்பாக பழகுவேன்.

கடந்த 2 மாதங்களாக ராஜராஜன் மனைவி கிருஷ்ணகுமாரிக்கும், எனக்கும் கள்ளத்தொடர்பு ஏற்பட்டது. ஆனால் என்னை யாரும் சந்தேகப்படவில்லை. நான் சென்னையில் ஒரு பழைய இரும்புக்கடையில் வேலை செய்து வருகிறேன். அவ்வப்போது ஊருக்கு வந்து செல்வேன்.

கடந்த மாதம் நான் சென்னையில் இருந்தபோது கிருஷ்ணகுமாரி, செல்போனில் என்னிடம், தனது கணவர் குடித்துவிட்டு வந்து அடிக்கடி தன்னை கொடுமைப்படுத்துவதாக கூறினார். இந்தநிலையில் கடந்த வாரம் நான் ரம்ஜான் கொண்டாடுவதற்காக ஊருக்கு வந்து இருந்தேன்.

அப்போது, தனது கணவரை கொலை செய்தால்தான் நாம் சந்தோஷமாக இருக்க முடியும் என்று கிருஷ்ணகுமாரி என்னிடம் கூறினார். இதனால் ரம்ஜான் பண்டிகை அன்று நான், ராஜராஜன் மற்றும் எனது நண்பர்கள் அலியாஸ், ராஜேந்திரன், காளிமுத்து, வேல்சாமி, முருகேசன் ஆகியோர் அரியநாயகிபுரம் அருகே உள்ள காட்டுப்பகுதியில் மது அருந்தினோம். பின்னர் அனைவரும் வீட்டுக்கு வந்துகொண்டு இருந்தோம்.

அப்போது மற்றவர்களை அனுப்பிவிட்டு ராஜராஜனை மட்டும் தனியாக அழைத்துக் கொண்டு வந்து மீண்டும் 2 பேரும் மது அருந்தினோம். இதனால் ராஜராஜன் அதிக போதையில் இருந்தார்.

அப்போது நான் அருகில் கிடந்த உருட்டைக்கட்டையால் ராஜராஜன் கழுத்தில் அடித்தேன். இதனால் படுகாயம் அடைந்த அவர் அந்த இடத்திலேயே செத்தார்.

பின்னர் அவரிடம் இருந்த செல்போனை எடுத்து அதில் இருந்த சிம்கார்டை தனியாக கழற்றிக்கொண்டு வந்து கிருஷ்ணகுமாரியிடம், செல்போனையும், சிம்கார்டையும் கொடுத்துவிட்டு ராஜராஜனை கொலை செய்ததை கூறினேன். பிறகு கிருஷ்ணகுமாரியிடம் என்னுடைய ரத்தக்கறை படிந்த சட்டையை கொடுத்துவிட்டு வேறு சட்டை வாங்கி அணிந்து கொண்டு வீட்டுக்கு சென்றுவிட்டேன். ஆனால் போலீசார் என்னை சந்தேகத்தின்பேரில் பிடித்து விசாரணை செய்ததில் ராஜராஜனை நான் கொலை செய்ததை ஒப்புக்கொண்டேன்.

இவ்வாறு ஷாஜகான் வாக்குமூலத்தில் கூறி இருப்பதாக தெரிகிறது.

இதையொட்டி கிருஷ்ணகுமாரியை போலீசார் கைது செய்தனர். மேலும் ஷாஜகான் வீட்டில் இருந்த கிருஷ்ணகுமாரியின் தற்போதுள்ள போட்டோ மற்றும் சின்ன வயதில் எடுத்த போட்டோக்களையும் கைப்பற்றினர். கிருஷ்ணகுமாரியிடம் இருந்து ராஜராஜனின் செல்போன், சிம்கார்டை பறிமுதல் செய்தனர்.

கைது செய்யப்பட்ட 2 பேரும் விளாத்திகுளம் கோர்ட்டில் ஆஜர்படுத்தப்பட்டு 15 நாள் காவலில் வைக்கப்பட்டனர்.

இவ்வாறு போலீசார் கூறினர். முதலில், கணவர் கொலை செய்யப்பட்டது குறித்து தனக்கு எதுவுமே தெரியாது என, கிருஷ்ணகுமாரி நாடகமாடினார். போலீசார், "உரிய முறையில்' விசாரித்தபோது நடந்த சம்பவம் அனைத்தையும் விவரித்தார். கிருஷ்ணகுமாரி, அவரது கள்ளக்காதலன் ஷாஜகானை விளாத்திகுளம் கோர்ட்டில் ஆஜர்படுத்திய போலீசார், பின்னர் அவர்களை சிறையிலடைத்தனர்.

===========

மனோரமா, ஆச்சி,

உங்க இயக்கம் என்ன ஆச்சீ?

பெண் குழந்தைகளை 39 முறை கத்தியால் குத்திப் படுகொலை செய்த தாய்!

இந்தியாவின் நீதிமன்றங்களில் வரும் பெரும்பான்மையான விவாகரத்து வழக்குகளில் குழந்தைகளின் காப்புப் பொறுப்பு தாயின் வசம்தான் முழுமையாக ஒப்படைக்கப்படுகிறது. எவ்வளவுதான் தந்தை தன் குழந்தைகளின் மீது பாசம் வைத்திருந்தாலும், அவர்களின் நல்வாழ்வுக்காக எத்தகைய தியாகமும் செய்பவனாக இருந்தாலும், அதே நேரத்தில் அந்தத் தாய் குழந்தைகள் மீது சிறிதளவும் பாசம் இல்லாதவளாக, "தான், தன் சுகம்" என்று இருப்பவளாக இருந்தாலும், இந்திய நீதிமன்றங்கள் குழந்தைகளை தந்தைகள் வசம் ஒப்படைப்பதில்லை.

தந்தை என்பவர் வெறும் "விசிட்டர்" என்பது நீதிமன்றங்களின் முடிபு. ஆனால் நடைமுறையில் அந்த "விசிட்டுகள்" கூட அந்தத் தந்தைகளுக்குக் கிட்டுவதில்லை. ஏதேனும் சாக்கு போக்கு சொல்லி தந்தையர்களிடம் குழந்தைகளைக் காண்பிக்காமல் ஏமாற்றும் தாய்க்குலங்கள் அநேகம். அந்தக் கணவன் பிறகு கோர்ட்டுக்கு நடையாய் நடந்து "எனக்கு குழந்தையைக் காண்பியுங்கள்" என்று போராட வேண்டும்!

ஆனால் இதில் முரண்நகை என்னவென்றால், குழந்தைகளைக் கண்னால் காண்பதற்குக் கூட வாய்ப்புக் கிட்டுகிறதோ இல்லையோ, அந்த மாஜி மனைவியின் சிலவுக்கும் குழந்தைகளின் பராமரிப்புச் சிலவுக்கும் மாதா மாதம் அந்த கணவன் தான் பணம் கொடுத்து அழவேண்டும்! இல்லாவிட்டால் சிறை தண்டனை!!

இத்தகைய ஒருதலைச் சார்பான, ஆணுக்கு எதிரான, சட்டங்கள், தீர்ப்புகள் மலிந்தது இந்த நாடு.

சரி, இந்த நாட்டில் பிறந்த ஒரு தாயார் தன் குழந்தைகளை என்ன செய்தார், விவாக ரத்து பெற்ற தன் கணவன் மீது கொண்ட வெறுப்பால் தன் குழந்தைகள அவள் எப்படிக் கொன்றாள் என்பதை வாசியுங்கள்:-

2 மகள்களை கொன்ற இந்திய பெண். 33 ஆண்டு சிறைத் தண்டனை.

லண்டன், செப்.23- 2009

இங்கிலாந்தில் உள்ள கேம்பிரிட்ஜ்ஷைர் நகரில் வசிக்கும் இந்தியப்பெண் ரேகா குமாரி பேக்கர். 41 வயதான இவர் அங்கு உள்ள ஒரு ஓட்டலில் வேலை பார்த்தார். அவருக்கு டவீனா பேக்கர், ஜாஸ்மின் பேக்கர் என்று 2 மகள்கள் இருந்தனர். டவீனாவுக்கு வயது 16. இளையவளுக்கு வயது 13. இருவரையும் கடந்த 2007-ம் ஆண்டு ஜுன் மாதம் 13-ந்தேதி அவர்களது தாயார் கத்தியால் குத்தி கொன்றார். 39 முறை கத்தியால் குத்தினார்.

இரு பெண் குழந்தைகளும் தூங்கிக் கொண்டிருந்தன. அவர்கள் உயிர் பிரிந்த பின்னும் மேன்மேலும் கத்தியால் குத்திக் கொண்டெ இருந்திருக்கிறார்.
மகள்களை யார் கவனித்துக்கொள்வது என்பது தொடர்பாக அவருக்கும், அவரது முன்னாள் கணவருக்கும் இடையே ஏற்பட்ட மோதலை தொடர்ந்து தான் அவர் கொலை செய்தார்.

Indian Express reports:

Kumari-Baker’s ex-husband, businessman David Baker, said “not a day passes” when he does not think of Davina and Jasmine. “I was robbed of my daughters by an act of calculated viciousness,” he said.

Times Of India reports:

The elder daughter Davina Baker, 16, was stabbed 39 times while her sister Jasmine Baker, 13, was attacked 29 times with a kitchen knife in a frenzied attack by their mother in 2007.

அந்த ரேகா குமாரி என்னும் பெண் பேயின் திருமுகத்தைக் கண்டு "ஆகா, இவளல்லவா, பெண்குலத்திலகம்" என்று துதிபாடத் துடிப்போருக்காக அந்தப் பெண்ணின் படத்தை இந்த வலைப் பக்கத்தில் வெளியிட்டிருக்கிறார்கள்.

மனோரமா ஆச்சி, எங்கே இருக்கீங்க? அந்த புதுமைத் தாய் தன் இளம் பெண் குழந்தைகளை 39 முறை கத்தியால் குத்தியதற்கும் அவளுடைய கணவனின் ஆண்மையின்மை தான் காரணமா? "தாய்மார்கள் தங்கள் குழந்தைகளை எப்படி வேண்டுமானாலும் கொல்ல உரிமை வேண்டும்" என்பதற்காக எப்போது போராட்டம் தொடங்கப் போகிறீர்கள்?

காதலுக்கு எதிர்ப்பு தெரிவித்ததால், பெற்றோர் உள்பட குடும்பத்தில் 7 பேரைக் கொன்ற இளம் பெண்!

ஆகா, இந்திய இளம் பெண்கள் முழு சுதந்திரம் அடைந்து விட்டனர். அவர்களின் ஆசைகளுக்குக் குறுக்கே யார் வந்தாலும் கொலைதான்! அது கணவனாயிருந்தலும், மாமியார், மாமனாராக இருந்தாலும், பெற்றோராக இருந்தாலும் சரி.

ஏனிந்த நிலை? அவர்களை எதிரிகளாக பாவிக்க வேண்டும் என்னும் மனப்பான்மையை வளர்ப்பவர்கள் யார்? இந்த சமூகத்திலுள்ள "ரவிக்" + "பாப்" தலைப் பெண்ணியத் தலைவிகளா? நம் பண்பாட்டு விழுமியங்களைத் தகர்த்து, அதுதான் பெண் விடுதலை என்னும் தொடர் போதனைகளா?

இத்தகைய பெண்ணியவாதிகளின் பேச்சைக் கேட்டுக்கொண்டு இயற்றப் பட்டுள்ள சட்டங்களின் அடிப்படையில், திருமணமான இளம் பெண்கள் தங்கள் கணவன்மார்களையும் அவர்தம் பெற்றோரையும் உற்றோரையும் தங்கள் வீட்டை விட்டே விரட்டலாம். அவர்கள் மீது மனம் போனபடி பொய் கிரிமினல் வழக்கு தொடுத்து கைது செய்விக்கலாம். ஆனால் என்ன பொய் சொன்னாலும் அந்த இளம் பெண்கள்மீது எந்தவித நடவடிக்கையும் எடுக்க இயலாது.

அத்தகைய கொடுங்கோன்மைச் சட்டங்களைக் கையிலெடுத்து இந்தியாவில் இதுவரை 1,40,000 வயதான தாய்மார்களும், கண்வன்மார்களின் சகோதரிகளும், சிறு பெண் குழந்தைகளும் கைது செய்து சிறையிலடத்திருக்கிறார்கள்.

இந்த சீரழிவின் அடிப்படைக் காரணி என்ன? இளம் பெண்கள் மனத்தில் விஷ வித்தை விதைத்து, "உங்கள் இஷ்டம் போல் இருங்கள், சிலவு செய்யுங்கள். யாரோடு வெண்டுமானாலும் குலாவிக்கொண்டு உல்லாசமாக இருங்கள். எவர் குறுக்கே வந்தாலும் புறந்தள்ளுங்கள். ஏனெனில் பெண்கள் தன்னிச்சைப்படி வாழ்வதை இந்தப் பழமைவாதிகள் 'பண்பாடு, கலாச்சாரம், கற்பு' என்னும் பத்தாம் பசலிக் கோட்பாடுகளைக் கொண்டு அடக்கி வந்திருக்கிறார்கள். இனிமேல் அதற்கு இடம் கொடுக்க்காதீர்கள்" என்ற மனப்பான்மையை திட்டம் போட்டு வளர்த்து வருகின்றனர் பல பெண்ணியவாதிகளும், சமூகத்தில் பெரிய மனிதர்களாக உலாவி வரும் வயடானவர்களும். இத்தகைய தவறான போக்குக்கு அரசு இயந்திரமும், சட்டங்களும், தீதிமன்றங்களும், ஊடகங்களும் துணை போகின்றன என்பதுதான் விசனப்பட வேண்டிய விஷயம்.

இதன்கீழ் வரும் செய்தியைப் படித்துவிட்டு அதற்கு மனோரமா அம்மையார் என்ன பதில் வைத்திருக்கிறார் என்ற கேள்வியைக் கேளுங்கள். அதே நேரத்தில் "குடும்ப வன்முறை என்பது பெண்கள் செய்யவே மாட்டார்கள். ஆண்தான் செய்வான்" [*] என்று சட்டம் இயற்றியிருக்கும் செயலைக் கண்டித்து ஓரிரு வார்த்தைகள் பேசுங்கள்.

---------------------
[*] The Protection Of Women From Domestic Violence Act, 2005, Section 3

2. Definitions.-In this Act, unless the context otherwise requires,-
(a) "aggrieved person" means any woman who is, or has been, in a domestic relationship with the respondent and who alleges to have been subjected to any act of domestic violence by the respondent;

(q) "respondent" means any adult male person who is, or has been, in a domestic relationship with the aggrieved person and against whom the aggrieved person has sought any relief under this Act:Provided that an aggrieved wife or female living in a relationship in the nature of a marriage may also file a complaint against a relative of the husband or the male partner;
-----------------------------------------
நம் சமுதாயம் ஒரு எரிமலை வாயின்மேல் அமர்ந்திருக்கிறது என்பது மட்டும் நிச்சயம்.

இப்போது செய்தி:

ரோதக் (ஹரியாணா), செப்.21, 2009. செய்தி - தினத்தந்தி.

காதலுக்கு எதிர்ப்பு தெரிவித்ததால், பெற்றோர் உள்பட குடும்பத்தில் 7 பேரை விஷம் கொடுத்தும், கழுத்தை நெரித்தும் கொன்றதாக 19 வயது இளம் பெண்ணையும் அவரது காதலனையும் போலீசார் கைது செய்தனர்.

அரியானாவில் நடந்த இந்த கொடூர சம்பவம் பற்றிய விவரம் வருமாறு:-

அரியானா மாநிலம் ரோதக் மாவட்டத்தில் உள்ள கபூல்பூர் என்ற கிராமத்தைச் சேர்ந்தவர் சுரேந்தர். இவரது மகள் சோனம் (வயது 19). இவரும் அதே ஊரைச் சேர்ந்த நவீன் என்ற வாலிபரும் ஒரே கல்லூரியில் படித்து வந்தனர். அவர்களுக்குள் ஏற்பட்ட பழக்கம் காதலாக மாறியது. இருவரும் தீவிரமாக காதலித்து வந்தனர்.
அவர்களுடைய காதலுக்கு, சோனத்தின் பெற்றோர் கடும் எதிர்ப்பு தெரிவித்தனர்.

சாப்பாட்டில் விஷம்

ஆனால் காதல், சோனத்தின் கண்களை மறைத்தது. குடும்பத்தில் உள்ளவர்களை தீர்த்துக் கட்டினால்தான் தனது காதல் நிறைவேறும் என்று கருதிய அவர், அதற்கான காரியத்தில் துணிச்சலுடன் இறங்கினார். விஷம் கொடுத்து எல்லோரையும் கொல்ல தீர்மானித்த சோனம், தனது காதலன் நவீனிடம் சொல்லி விஷத்தை வாங்கி வரச் செய்தார். பின்னர் அந்த விஷத்தை இரவில் யாருக்கும் தெரியாமல் சாப்பாட்டில் கலந்தார்.
அதை சாப்பிட்ட சோனத்தின் தந்தை சுரேந்தர், தாயார் புரோமில்லா, பாட்டி போரி, சகோதரர் அர்விந்த் மற்றும் விஷால், சோனிகா, மோனிகா என்ற 3 குழந்தைகள் ஆகிய 7 பேர் சிறிது நேரத்தில் படுக்கையில் மயங்கி விழுந்தனர்.

பரிதாப சாவு

உடனே சோனம் தனது காதலன் நவீனை வீட்டுக்கு வரவழைத்தார். மயக்கத்தில் கிடப்பவர்கள் பிழைத்துக் கொண்டால் என்ன செய்வது என்ற பயந்த இருவரும், அவர்களுடைய கழுத்தை நெரித்தனர். இதனால் 7 பேரும் பரிதாபமாக உயிர் இழந்தனர்.

ஒரே வீட்டில் 7 பேர் இறந்து கிடப்பது பற்றிய தகவல் கிடைத்ததும் போலீசார் அங்கு சென்று விசாரணை நடத்தினார்கள். அப்போது, சோனம் வீட்டின் குளியல் அறையில் லேசாக மயங்கிய நிலையில் கிடந்தார்.

பின்னர் நடந்த பிரேத பரிசோதனையில், 7 பேரும் விஷம் கொடுத்தும் கழுத்தை நெரித்தும் கொல்லப்பட்டு இருப்பதாக தெரிய வந்தது.

இதனால், மயங்கிய நிலையில் கிடந்த சோனத்தின் மீது போலீசாருக்கு சந்தேகம் ஏற்பட்டது. அவரிடம் போலீசார் துருவித் துருவி விசாரணை நடத்திய போது, 7 பேரும் விஷம் கொடுத்தும் கழுத்தை நெரித்தும் கொல்லப்பட்டது தெரிய வந்தது. மேலும், தான் சிக்கி விடக்கூடாது என்பதற்காக சோனம் மயக்க மாத்திரைகளை சாப்பிட்டு, தானும் பாதிக்கப்பட்டவர் போல் மயங்கி கிடந்ததும் தெரிய வந்தது.

இதைத்தொடர்ந்து சோனத்தையும் அவரது காதலன் நவீனையும் போலீசார் கைது செய்தனர்.

இந்த சம்பவத்தில் விஷம் கலந்த உணவை சாப்பிட்டவர்களில் சோனத்தின் தாத்தா தக்தீர் சிங்கும் ஒருவர். அவர் வீட்டுக்கு வெளியே தனியாக ஓர் இடத்தில் படுத்து இருந்ததால் அவரது கழுத்து நெரிக்கப்படவில்லை. இதனால் தக்தீர் சிங் அதிர்ஷ்டவசமாக உயிர் தப்பினார்.

மேற்கண்ட தகவல்களை மாவட்ட மூத்த போலீஸ் சூப்பிரண்டு அனில்குமார் ராவ் தெரிவித்தார்.

காதலனுடன் சேர்ந்து இளம்பெண் ஒருவர் ஈவு இரக்கம் இன்றி தனது குடும்பத்தையே தீர்த்துக் கட்டிய சம்பவம் அந்த பகுதியில் பெரும் பரபரப்பை ஏற்படுத்தி உள்ளது.

கணவனுக்கு ஒரு வெட்டு கள்ளக் காதலனுக்கு ஒரு வெட்டு

முதலில் கணவனைக் கொன்ற கதை (தினமலர்)

குடிபோதை கணவரை வெட்டி கொலை செய்த மனைவி கைது: கழிவுநீர் தொட்டியில் உடல் மீட்பு .செப்டம்பர் 16,2009.

தூத்துக்குடி மாவட்டம் கலியாவூரைச் சேர்ந்த கூலித் தொழிலாளி கல்யாணி(55). அவரது மனைவி பூலம்மாள்(47). திருமணமாகி 30 ஆண்டுகள் ஆன அவர்களுக்கு குழந்தையில்லை.

மதுகுடிக்கும் பழக்கமுள்ள கல்யாணி, பணம் கேட்டு அடிக்கடி மனைவி பூலம்மாளை அடித்து உதைப்பார். கடந்த 10ம் தேதி குடிபோதையில் வந்த கல்யாணி, பணம் கேட்டு பூலம்மாளிடம் வாக்குவாதம் செய்தார். தகராறு முற்றிய நிலையில் ஆத்திரமடைந்த பூலம்மாள், கணவர் கல்யாணியை கீழே தள்ளினார். அரிவாளால் அவரது கழுத்தில் வெட்டினார்.

படுகாயமடைந்த கல்யாணி சம்பவ இடத்திலேயே பலியானார். அவரது உடலை வீட்டின் முன்புறமுள்ள கழிவு நீர்த் தொட்டிக்குள் போட்டு அதில் மண்ணைப் போட்டு, தொட்டியை மூடினார்.

"கணவர் எங்கே?' என கேட்டவர்களிடம், வெளியூர் சென்று விட்டதாக கூறினார். வீட்டின் அருகே துர்நாற்றம் வீசியதால் முறப்பநாடு போலீசுக்கு தகவல் சென்றது. போலீசார், பூலம்மாளிடம் விசாரித்துள்ளனர். "முறைப்படி'யான விசாரணையில், கணவரைக் கொன்று உடலை கழிவுநீர் தொட்டிக்குள் போட்டு மறைத்ததை ஒப்புக் கொண்டார்.

பூலம்மாளை போலீசார் நேற்று கைது செய்து, கல்யாணி உடலை மீட்டனர். கள்ளத்தொடர்பு காரணமாக, கொலை நடந்திருக்கலாம் என சந்தேகப்படும் போலீசார், கொலையில் உடந்தையாக இருந்ததாக பூலம்மாள் உறவினர் ஒருவரை தேடிவருகின்றனர்.
====================

செய்தி - 2

கள்ளக்காதலனை அரிவாளால் வெட்டிய பெண் போலீசில் சரண்

ஓட்டப்பிடாரம், செப்.16- 2009 (தினத்தந்தி)

கள்ளக்காதலனை அரிவாளால் வெட்டிய பெண் போலீசில் சரண் அடைந்தார். "கள்ளக்காதலனை நம்பி கணவரை கைவிட்டதாக" அவர் வாக்குமூலம் அளித்தார்.

இந்த சம்பவம் குறித்து போலீஸ் தரப்பில் கூறப்பட்டதாவது:-

தூத்துக்குடி மாவட்டம் ஓட்டப்பிடாரம் அருகே உள்ள மேலமங்கலத்தை சேர்ந்த கலைச்செல்வன் மனைவி காஞ்சனா (வயது 35). இவர்களுக்கு 2 குழந்தைகள் உள்ளனர். கலைச்செல்வன் நீண்ட காலமாக வெளிநாட்டில் வேலைபார்த்து வந்தார்.

காஞ்சனாவும், அவரது குழந்தைகளும் ஊரில் வசித்து வந்தனர். அப்போது காஞ்சனாவுக்கும், அதே ஊரை சேர்ந்த சேர்மராஜ் (35) என்பவருக்கும் கள்ளத்தொடர்பு ஏற்பட்டது. இந்த நிலையில் கடந்த 5 ஆண்டுகளுக்கு முன்பு சேர்மராஜ் தங்கை சேர்மக்கனிக்கும், காஞ்சனா தம்பி ரத்தினவேலுவுக்கும் திருமணம் நடந்தது.

இதன் பின்னர் சேர்மராஜும், காஞ்சனாவும் உறவினர்கள் ஆகினர். இதன் பின்னர் அவர்களின் தொடர்பு மேலும் வலுத்தது. இந்த விவகாரம் வெளிநாட்டில் வேலைபார்த்த காஞ்சனாவின் கணவர் கலைச்செல்வனுக்கு தெரியவந்தது. ஊருக்கு வந்த அவர் மனைவியை கண்டித்தார். ஆனால் காஞ்சனாவுக்கு, சேர்மராஜை கைவிட மனம் இல்லை.

கடைசியில் கணவரா?, கள்ளக்காதலனா? என்ற கேள்வியில், காஞ்சனா கணவரை பிரிந்தார். இதனால் 2 ஆண்டுகளுக்கு முன்பு கலைச்செல்வன், காஞ்சனாவை விவாகரத்து செய்துவிட்டார். பின்னர் குழந்தைகளுடன், காஞ்சனா தனி வீட்டில் வசித்து வந்தார்.

இதன் பின்னர் சேர்மராஜ் அடிக்கடி காஞ்சனா வீட்டுக்கு வந்து போனார். இது அவரது குழந்தைகளுக்கு பிடிக்கவில்லை. எனவே சேர்மராஜை விட்டு பிரிய காஞ்சனா முடிவு செய்தார். ஆனால் நீண்ட நாட்களாக நீடித்த கள்ளத்தொடர்பை விட்டுவிட சேர்மராஜவக்கு மனம் இல்லை.

இதனால் அவர்களுக்குள் தகராறு இருந்துவந்தது. இந்த பிரச்சினைக்கு முடிவுகட்ட நேற்று முன்தினம் இரவு தனது வீட்டுக்கு வரும்படி காஞ்சனா, சேர்மராஜை அழைத்தார். அதன்படி அவரும் சென்றார். அப்போது இருவருக்கும் நீண்டநேரம் வாக்குவாதம் ஏற்பட்டது.

தகராறு முற்றியதால் ஆத்திரம் அடைந்த காஞ்சனா அரிவாளால், சேர்மராஜ் கழுத்தின் பின்புறத்தில் வெட்டியதாக கூறப்படுகிறது.

சேர்மராஜ் அலறல் கேட்டு அக்கம்பக்கத்தினர் ஓடிவந்தனர். உடனே காஞ்சனா அங்கிருந்து ஓடிவிட்டார். படுகாயம் அடைந்த சேர்மராஜை, தூத்துக்குடி அரசு ஆஸ்பத்திரியில் சேர்த்தனர்.

இதுகுறித்த புகாரின் பேரில் பசுவந்தனை சப்-இன்ஸ்பெக்டர் ஜெயசங்கரி வழக்குப்பதிவு செய்தார். இன்ஸ்பெக்டர் (பொறுப்பு) இசக்கி விசாரணை நடத்தினார். இந்த நிலையில் போலீசாரால் தேடப்பட்ட காஞ்சனா சரண் அடைந்தார்.

அவரிடம் போலீசார் நடத்திய விசாரணையில், "எனக்கும், சேர்மராஜுக்கும் நேற்று முன்தினம் இரவு வாக்குவாதம் ஏற்பட்டது. அப்போது, எனது கணவரை பிரிய நீதான் காரணம் என்றும், கள்ளக்காதலனை நம்பி கணவரை கைவிட்டு வாழ்க்கையை தொலைத்துவிட்டேன் என்றும் சேர்மராஜிடம் கூறினேன்.

இனிமேல் என்னை சந்திக்க வர வேண்டாம் என்றும் அவரிடம் தெரிவித்த போது, அவர் அலட்சியப்படுத்தினார். இதனால் ஆத்திரத்தில் அரிவாளால் வெட்டினேன்" என்று காஞ்சனா வாக்குமூலம் அளித்ததாக தெரிகிறது.

================

இரண்டு நிகழ்வுக்குமே கணவனின் ஆண்மையின்மைதான் காரணமாக இருந்திருக்குமோ? நமக்கென்ன தெரியும்? மனோரமா அம்மையார் சொன்னால் சரியாகத்தான் இருக்கும்!

கள்ளக்காதலை கண்டித்த கணவன் தலையை கல்லால் நசுக்கி கொலை

கள்ளக் காதல் பத்தினிகள் கணவனைக் கொலை செய்து கண்டம் துண்டமாக வெட்டும் அலை ஓயவில்லை. உண்மையில் அந்தக் கலை மேன்மேலும் வளர்ச்சி கண்டிருக்கிறது.

கள்ளக் காதல் செய்யும் பெண்குலத்திலகங்கள் தனியாகவோ கள்ளக் கூட்டாளியுடன் சேர்ந்தோ இதுபோல் கொலை செய்வது ஒரு ரகம். அவர்களை விட அதிபுத்திசாலிகள் தங்கள் கைகளை கொலை செய்து அழுக்காக்கிக் கொள்ளாமல் காக்கிகளுக்கு ஃபோன் செய்து விடுகிறார்கள். அவர்கள் அந்தக் கணவனை கவனிக்க வேண்டியபடி கவனித்து சுபாரி போட்டு விடுகின்றனர். யாராவது கூக்குரலிட்டால் விசாரணைக் கமிஷன் போட்டால் போகிறது. இது நல்லாயிருக்கே!

சரி இப்போது லேட்டஸ்ட் கொலையைப் பற்றிப் படியுங்கள்:

செய்தி: தினமலர்.

பட்டுக்கோட்டை: தஞ்சாவூர் மாவட்டம் பட்டுக்கோட்டை அடுத்த பேராவூரணி வாத்தலைக்காடு பகுதியை சேர்ந்தவர் மாரிமுத்து (40). இவர் தோப்பில் கூலி வேலை செய்து வந்தார். இவரது மனைவி நீலாவதி (35). இவர்களுக்கு இரண்டு குழந்தைகள் உள்ளனர்.

பட்டுக்கோட்டை சாக்கு வியாபாரியான செந்தில் (32), வாத்தலைக்காடு பகுதிக்கு வியாபார ரீதியாக அடிக்கடி வந்து சென்றபோது, நீலாவதிக்கும், செந்திலுக்கும் இடையே கள்ளத் தொடர்பு ஏற்பட்டது. பல நாட்களாக நீடித்தது. இவர்களின் கள்ளத்தொடர்பு மாரிமுத்துவுக்கு தெரியவர, அவர் இருவரையும் கண்டித்தார்.

இதில், ஆத்திரமடைந்த செந்தில், நீலாவதி ஆகியோர் நேற்று முன்தினம் (15ம் தேதி) அதிகாலை ஐந்து மணியளவில் தூங்கி கொண்டிருந்த மாரிமுத்துவின் தலையில் பாறாங்கல்லை தூக்கிப்போட்டு த லையை நசுக்கி கொன்றனர். பின் பிணத்தை சாக்குப்பையில் கட்டி வீட்டுக்குள் வைத்து விட்டனர்.

இரவு பத்து மணிக்கு மேல் டி.வி.எஸ்., 50 பைக்கில் மாரிமுத்துவின் உடலை எடுத்துச் செ ன்று தூரத்தில் வீசிவிட்டு வரலாம் எனக்கருதி செந்தில், நீலாவதி ஆகியோர் புறப்பட்டனர். வழியில், தில்லங்காடு பகுதியில் நின்ற கிராமமக்கள், "சாக்கு பையில் என்ன,' என விசாரித்தனர். இவர்கள் இருவரின் தடுமாற்றமான பேச்சில் சந்தேகமடைந்து, சாக்கு மூடையை பிரித்து பார்த்தனர். சாக்கில் கொலை செய்யப்பட்ட ஒருவரது உடல் இருப்பதை அறித்து, இருவரையும் பொதுமக்கள் பிடித்து போலீஸில் ஒப்படைத்தனர். பேராவூரணி போலீஸார் இருவரையும் கைது செய்தனர்.

கள்ளக்காதல் விபரீதம்...

ஜூனியர் விகடனில் வெளியான நெஞ்சை கலங்க வைக்கும் சம்பவம்...

வணிகச் செய்திகள், வேலைவாய்ப்புச் செய்திகள் என்பது போல் கள்ளக் காதல் செய்திகள் என்றுஊடகங்களில் இனி, தனிப் பகுதி வந்துவிடுமோ?அடுத்தடுத்து நடக்கும் கள்ளக்காதல் தொடர்பான கொலைகள் இப்படி ஒரு பயத்தை இயல்பாகவே ஏற்படுத்தி விட்டன!

கள்ளக்காதலுக்கு இடைஞ்சலாக இருந்த மகனையே வெட்டி ஃப்ரிட்ஜுக்குள் வைத்த மதுரை கொடூரம் ஒரு பக்கம் என்றால், விருத்தாசலத்தில் நடந்திருக்கும் விபரீதம் விதிர்விதிர்க்க வைக்கிறது!


வசதியாக வாழ்வதற்குப் பணம் தேவை என்பதால், ஏழு வயது பையனைக் கடத்திக் கொலை செய்திருக்கிறது ரத்த வெறி பிடித்த கள்ளக்காதல் ஜோடி.
விருத்தாசலத்தை அடுத்துள்ள கார் குடல் கிராமமே கண்ணீர்க் கடலாகிக் கிடக்கிறது. தெருவில் ஓடி விளையாடி எல்லோரிடமும் அன்பாக பழகிய ஏழு வயதுச் சிறுவன் சுரேஷ் சாக்குமூட்டையில் பிணமாகக் கிடப்பதை எப்படித்தான் தாங்கிக் கொள்ள முடியும்?

கொளஞ்சிநாதன்-மகேஸ்வரி தம்பதிக்கு மூன்று பெண் குழந்தைகளுக்கு பிறகு, தவமாகத் தவமிருந்து வரம் வாங்கிப் பிறந்த ஆண் குழந்தை சுரேஷ். அருகிலுள்ள தனியார் பள்ளியில் இரண்டாம் வகுப்பு படித்து வந்தான். கடந்த 27-ம் தேதி காலையில் பள்ளிக்குப் போனவன் மாலை வரை வீடு திரும்பவில்லை.

அப்பா கொளஞ்சிநாதன் வெளி நாட்டில் இருப்பதால், அம்மா மகேஸ்வரி, சுரேஷை தேடி அலைந்தார்.

இரண்டு நாட்கள் கழித்து... 29-ம் தேதி மதியம் வயலாப் பாடி என்னும் கிராமத்தின் ஒடையில் சாக்குமூட் டையில் கட்டப்பட்டு பிணமாகத்தான் அவனைப் பார்க்க முடிந்தது.


கலங்கிப் போயிருந்த கார்குடல் கிராமத்தின் முன்னாள் ஊராட்சி மன்றத் தலைவர் சித்திரைச்செல்வன் நம்மிடம், ''ஸ்கூல் போன புள்ளைய காணோம்னு சொன்னதும், பதறிப்போய் தேடினோம். அன்னிக்கு ராத்திரி மகேஸ்வரி செல்லுக்கு பேசின ஒருத்தன், 'நாங்கதான் சுரேஷை கடத்தி வச்சிருக்கோம். அஞ்சு லட்ச ரூபா ரெடி பண்ணி வையி'னு மிரட்டியிருக்கான். உடனே, போலீஸ்ல புகார் கொடுத்துட்டோம். எஸ்.பி. விறுவிறுனு ஆக்ஷன் எடுக்க ஆரம்பிச்சாங்க. ஆனா, வெண்ணெய் திரண்டு வர்ற நேரத்துல, தாழி உடையுற மாதிரி... போலீஸ் அவங்கள நெருங்குற நேரத்துல, இப்படி இதயமே இல்லாத அந்த பிஞ்சுப் பையனை கொன்னுட்டாங்களே... அந்த படுபாவிங்க!'' என்று அதிர்ச்சி விலகாமல் சொல்கிறார்.

போலீஸ் வட்டாரத்தில் விசாரித்தோம்.

"தகவல் கிடைத்ததும் கடலூர் எஸ்.பி-யான அஸ்வின் கோட் னிஸ் மூன்று தனிப் படைகளை அமைத்து, விசாரிக்க உத்தரவிட்டார். அவர்கள், மகேஸ்வரியின் செல்லுக்கு வரும் அனைத்து அழைப்புகளையும் கண்காணிக்க ஆரம்பித்தனர். அதில் இரண்டாவது முறையாகப் பணம் கேட்டு வந்த அழைப்பை, பதிவு செய்து விசாரித்தபோது, பெரம்பலூர் மாவட்டத்தில் இருந்து வந்திருப்பதை கண்டுபிடித்தனர். அங்கே செங்குனம் கிராமத்தில் மகேஸ்வரியின் சித்தி முறையான பாலாயி என்பவர் இருப்பதாகத் தெரிந்தது. உடனே, பாலாயியை தேடிச் சென்றோம். பாலாயியோடு உடனிருந்த சுந்தர்ராஜ் என்ற ஜே.சி.பி. டிரைவரையும் சேர்த்து அள்ளிக் கொண்டு வந்து விசாரித்த போதுதான், இந்த கொடுமைகள் வெளியே வந்தன!" என்றனர் போலீஸார்.

ஏன் சுரேஷை கடத்திக் கொலை செய்தார்கள்?

போலீஸில் பாலாயி கொடுத்த வாக்குமூலம் இதோ...

"மகேஸ்வரியின் பிறந்த ஊரான திட்டக்குடி பக்கம் கூடலூர்லதான் நான் வாக்கப்பட்டேன். மகேஸ்வரியோட சித்தப்பா புகழேந்திக்கு என்னைக் கட்டிக் கொடுத்தாங்க. அவரு வெளிநாட்டுல இருக்காரு. இங்க தனிமை என்னை ரொம்பப் படுத்தி எடுத்துசசு. அப்ப எங்க ஊருக்கு ஜே.சி.பி. ஓட்ட வந்த சுந்தர்ராஜுக்கும் எனக்கும் பழக்கமாச்சு. விஷயம் ஊர்ல தெரிஞ்சு, என் வீட்டுக்காரர் வரைக்கும் போயிடுச்சு. அவர் இங்க வந்து என்னைய கண்டிச்சாரு. ஆனா, அவரு திரும்பவும் வெளிநாடு போன பின்னாடி, என்னால சும்மா இருக்க முடியல. சுந்தர்ரஜைத்தான் தேடிப் போனேன். இது தெரிஞ்சதும் என் வீட்டுக்காரர் ஒரேடியா என்னை வெரட்டி விட்டுட்டாரு.



அப்புறம் நானும் சுந்தர்ராஜும் ஒண்ணாவே இருக்கோம். இருந்த காச வச்சு கொஞ்ச காலம் சந்தோஷமா இருந்தோம். அது தீர்ந்ததும், காசு சம்பாதிக்க என்ன பண்றதுனு நாங்கபேசிக்கிட்டி ருந்தப்பதான்... சென்னையில ஒருத்தரை கடத்தி வச்சு காசு கேட்ட சம்பவத்தை டி.வி-யில பாத் தோம்...'' என்ற பாலாயி, அதற்குப் பிறகு நடந்த தையும் அழுத்தமான குரலில் கக்கியிருக்கிறாள்.

''டி.வி-யைப் பாத்ததுமே யாரையாச்சும் கடத்தி பணம் கேக்கலாம்னு தோணுச்சு. யாரைக் கடத்தறதுன்னு யோசிச்சப்பதான் சட்டுனு சுரேஷ் ஞாபகம் வந்துச்சு. ஏன்னா, அவன் எனக்கும் சுந்தர்ராஜுக்கும் நல்லா பழக்கமானவன். கூப்பிட்டாவே வந்துடுவான். அவங்க அப்பா வெளிநாட்டுல இருக்கிறதால, கேட்டதும் பணமும் சிக்கல் இல்லாமல் கிடைச்சுடும்னு முடிவெடுத்தோம்.

உடனே, போன 27-ம் தேதி சாயந்தரம் போய் சுரேஷை, சுந்தர்ராஜ் கூப்பிட்டிருக்கான். சிரிச்சுக்கிட்டே சுரேஷ் வந்துட்டான். அவனை எங்க வீட்லயே ஒரு ரூம்ல கட்டிப் போட்டுட்டு, மகேஸ்வரிக்கு போன் போட்டோம். இந்த தகவல் மறுநாள் பேப்பர்ல வந்ததும், எங்க ரெண்டு பேருக்கும் பயமாயிடுச்சு. 'இறங்கினது இறங்கிட்டோம்'னு தைரியம் சொன்ன சுந்தர்ராஜ், மறுபடியும் மகேஸ்வரிக்கு போன் பண்ணி பணம் கேட்டான். அப்பதான், நாங்க இருக்கற இடத்தை போலீஸ்காரங்க கண்டுபிடிச்சிட்டாங்க. இந்த நியூஸும் உடனே டி.வி-யில வர, எங்களுக்கு என்ன பண்றதுன்னே தெரியலை. உடனே, சுரேஷை முகத்தில் துணியை வைத்து அழுத்தினோம். ரொம்பக் கத்தினவன், கொஞ்ச நேரத்துல அடங்கிட்டான். பிணத்தை வயலாப்பாடிக்கு எடுத்துக்கிட்டு போய், குளத்துல வீசிட்டோம்...'' என்றாளாம் பாலாயி.

அருமைப் பையனை பறிகொடுத்து நிற்கும் மகேஸ்வரி,

"புள்ளைங்கள பத்திரமா பாத்துக்கடின்னு சொல்லிட்டு வெளிநாடு போன எம் புருஷன், திரும்ப வந்து கேட்டா, நான் என்ன பதில்சொல்லுவேன்?'' என்று தன் மூன்று பெண் குழந்தைகளையும் கட்டிக் கொண்டு அழுத காட்சி இதயத்தைநசுக்கியது.

கள்ளக் காதல் ஜோடியிடமிருந்து வாக்குமூலம் பெற்றுக் கொண்ட போலீஸார், இருவரையும் பத்திரிகையாளர்களுக்கும் காட்டாமல் அழைத்துச் சென்று நீதிமன்றத்தில் ஆஜர்படுத்தினார்கள்.

"ஏற்கெனவே போலீஸின் நடவடிக்கைகள்ஊடகங்கள் மூலமாக வெளியே தெரிந்ததால்தான் சிறுவன் கொல்லப் பட்டான். அதனால்தான் இந்த ஏற்பாடு..." என்கிறார்கள் போலீஸார். காலம் கடந்த எச்சரிக்கையல்லவா இது!

- கரு.முத்துபடங்கள்: ஜெமினி படமனை. நன்றி: ஜூனியர் விகடன்

தாய்க்குலத்தின் பெருமை

தன் தாயின் பல கணவர்களைப் பற்றியும், அந்தத் தாய் தன் மகளையே விபசாரத்திற்கு ஈடுபடுத்தச் செய்த முயற்சிகளைப் பற்றியும் இதன்கீழ் இட்டுள்ள கட்டுரையில் ஒரு பெண் விளக்குவதைப் பாருங்கள்.

தவறு செய்வதில் ஆண், பெண் பாகுபாடு இருக்கிறதா? இருபாலரும்தான் தவறிழைக்கிறார்கள். பின்னர் நம் நாட்டில் ஆண்களுக்கு மட்டும் எதிராக ஒருதலைப் பட்சமான சட்டங்கள் கட்டமைத்திருப்பது ஏன்?

ஒரு பெண்ணின் வாக்குமூலமே போதும், அதை மட்டுமே வைத்து வேறு எந்த சாட்சியமும் இல்லாமலேயே ஒரு ஆண் தூக்கிலிடப்படுகிறானே இந்த நாட்டில், ஆனால் அதே போல் ஆண்களின் வாக்குமூலம் ஏற்கப்படுவதில்லையே, இது அநியாயமில்லையா?

ஏன் இந்த சமுதாயம் ஒட்டுமொத்த ஆண்களுக்கும் எதிராக சமதர்மமில்லாமல் செயல்படுகிறது?

ஆண்கள் தவறிழைத்தால் அவர்களைக் கல்லாலடித்துக் கொல்லலாம் என்கிறார் ஒரு பெண்ணிய அரசியல்வியாதி. அப்படியென்றால் ஆஃப்கானிஸ்தானில் தாலிபான்கள் பெண்களுக்கு எதிராகச் செயல்பட்டவிதமும் சரியென்றே ஆகிவிடுகிறது அல்லவா? அதை ஏன் தவறு என்கிறார்கள்? ஆண்களுக்கு ஒரு நீதி, பெண்களுக்கு தனி நீதியா?

ஆண்களைப் பெற்ற தாய்களும், உடன் பிறந்த சகோதரிகளும் பெண்ணினத்தில் சேர்ந்தவர்கள் இல்லையா?

இப்படியே போனால் இந்நாட்டு ஆண்கள் அனைவரும் தாலிபானிய ஷரியத் சட்டத்தை வரவேற்கத் தொடங்கிவிடுவார்கள் என்று தோன்றுகிறது!

இப்போது குமுதம் ரிப்போர்ட்டரில் வெளிவந்த செய்திக் கட்டுரையைப் படியுங்கள்:-

கள்ளத் தொடர்பு குற்றத்திற்கு ஆண் - பெண் சமமான தண்டனை வேண்டும்

சென்னை, ஜுலை.31- 2009. செய்தி - தினத்தந்தி

ஆண் - பெண் இருவருக்கும் கள்ளத் தொடர்புக்கு சமமான தண்டனை வழங்க வேண்டும் என்று ஆண்கள் பாதுகாப்பு சங்கத்தினர் முதல்-அமைச்சர் கருணாநிதிக்கு கோரிக்கைவிடுத்துள்ளனர்.

தமிழ்நாடு ஆண்கள் பாதுகாப்பு சங்க தலைவர் டி.அருள்துமிலன், பொதுச் செயலாளர் எஸ்.மதுசூதனன் ஆகியோர் முதல்-அமைச்சர் கருணாநிதிக்கு அனுப்பி உள்ள கடிதத்தில் கூறியிருப்பதாவது:-

தமிழகத்தில் கடந்த சில ஆண்டுகளாகவே கள்ளத் தொடர்பும் அதனைத் தொடர்ந்த கொலைகளும் நாளுக்கு நாள் அதிகரித்துக் கொண்டே வருவது தாங்கள் அறிந்ததே. பிரதமர் மன்மோகன்சிங் தலைமையிலான கடந்த ஆட்சியில் கள்ளத் தொடர்பு தொடர்பான குற்றங்களின் தண்டனையை அதிகரிக்கும் நோக்கில் இந்திய தண்டனை சட்டம் 497-ல் சில திருத்தங்களை கொண்டு வர விரும்பியது.

அதற்கான சுற்றறிக்கைகள் அனைத்து மாநில அரசுகளுக்கும் அனுப்பப்பட்டன. ஆனால், இந்திய கலாச்சாரத்தை வேரோடு புதைக்க எண்ணுகின்ற சில பெண்கள் அமைப்புகளின் எதிர்பால் இந்த சட்டத் திருத்தம் பாராளுமன்றத்தில் நிறைவேற்றப்படவில்லை.

மேலும், இந்திய தண்டனை சட்டம் 497-ல் தவறு செய்யும் பெண்களை பாதிக்கப்பட்டவர்களாக பாவித்து விடுவித்துவிடும் மென்மையான அணுகுமுறையால் இந்த சட்டத்தை மீறுவோரின் எண்ணிக்கை நாளுக்கு நாள் அதிகரித்துக் கொண்டே செல்கிறது.

இதனால், ஏற்படும் கொலைகளின் எண்ணிக்கையும் அதிகரித்த வண்ணம் உள்ளது. மேலும், இந்த கள்ளத் தொடர்பால் கணவனை கொல்வது சர்வ சாதாரண கதையாகி பல குடும்பங்கள் சீரழிந்து இந்திய கலாச்சாரத்திற்கே அச்சுறுத்தலாக மாறி வருவதை தங்களின் கனிவான பார்வைக்கு கொண்டு வருகிறேன்.

இந்த நிலையில், தான் பெற்ற 24 வயது மகனை, அவனை பெற்ற தாயே துண்டு துண்டாக வெட்டி கொலை செய்த கொடுமை நம் தமிழ் சங்கம் வளர்த்த மதுரையில் நடந்துள்ளது.

இந்த கொடுஞ்செயல் வன்மையான கண்டனத்திற்கு உரியது. எனவே, முதல்-அமைச்சர் கருணாநிதி, போர்க்கால நடவடிக்கை மேற்கொண்டு மத்திய அரசை வற்புறுத்தி இந்த பாராளுமன்ற கூட்டத் தொடரிலேயே இந்திய தண்டனை சட்டம் 497-ல் திருத்தம் செய்து கள்ளத் தொடர்பில் ஈடுபடும் ஆண்-பெண் இருவரும் கடுமையான தண்டனைக்கு உட்படுத்தும்படி சட்டம் இயற்ற நடவடிக்கை எடுக்க வேண்டும் என்று தமிழ்நாடு ஆண்கள் பாதுகாப்பு சங்கம் சார்பில் கேட்டுக்கொள்கிறேன்.

இவ்வாறு அந்த கடிதத்தில் கூறப்பட்டுள்ளது.

மகனை கொன்று உடலை துண்டு துண்டாக வெட்டிய தாய் கள்ளக்காதலனுடன் கைது

நெஞ்சை உறைய வைக்கும் கொடூர சம்பவம்:

மகனை கொன்று உடலை துண்டு துண்டாக வெட்டி பிரிட்ஜில் வைத்த தாய் கள்ளக்காதலனுடன் கைது

மதுரை, ஜுலை.30- 2009. செய்தி: தினத்தந்தி.

கள்ளக்காதலை கண்டித்த மகனை கொலை செய்து பிணத்தை துண்டு, துண்டாக அறுத்து பிரிட்ஜில் வைத்து வெளியே வீசிய, தாய் கள்ளக்காதலனுடன் கைது செய்யப்பட்டார்.

சென்னையில் கடந்த சில நாட்களுக்கு முன்பு நகை வியாபாரி ஒருவர் படுகொலை செய்யப்பட்டு அவருடைய பிணம் துண்டு துண்டாக வெட்டப்பட்டு பல இடங்களில் வீசப்பட்டது. போலீசாருக்கு பெரும் சவாலாக விளங்கிய இந்த வழக்கில் சமீபத்தில் துப்பு துலங்கி கொலையாளி கைது செய்யப்பட்டான்.

சென்னை நகரையே உலுக்கிய இந்த கொடூர படுகொலை போல மதுரையிலும் ஒரு சம்பவம் நடந்துள்ளது.

கள்ளக்காதலை கண்டித்ததால் ஆத்திரம் அடைந்த தாய் தனது மகனை கொலை செய்து உடலை துண்டு துண்டாக வெட்டி பிரிட்ஜில் வைத்து ஒவ்வொரு பாகமாக வெளியே எறிந்துள்ளார்.

கேட்கும் போதே நெஞ்சை நடு, நடுங்க வைக்கும் இந்த பயங்கர கொலை தமிழகத்தையே அதிர்ச்சியில் மூழ்க வைத்துள்ளது. இது பற்றிய விவரம் வருமாறு:-

மதுரை மீனாட்சி நகர் முதல் தெருவைச்சேர்ந்தவர் மேரி (வயது 47). இவருடைய கணவர் துரைராஜ் 8 ஆண்டுகளுக்கு முன்பு இறந்து விட்டார். அவர் பார்த்து வந்த பினின் வேலை மேரிக்கு கிடைத்தது. பழங்காநத்தம் பகுதியில் உள்ள காதிகிராப்டில் மேரி பினினாக வேலை பார்த்து வந்தார்.

மேரிக்கு 2 மகள்கள் உள்ளனர். இருவருக்கும் திருமணமாகி கணவர் வீட்டுக்கு சென்று விட்டனர். மேரியின் ஒரே மகன் கிருஷ்ண மூர்த்தி (வயது 24). இவருக்கு கடந்த 8 மாதங்களுக்கு முன்பு திருமணம் நடந்தது. கணவனும் மனைவியும் சிவகாசியில் தனிக்குடித்தனம் நடத்தி வந்தனர். திருமணமான 2 மாதத்திலேயே இருவருக்கும் தகராறு ஏற்பட்டதில் மனைவி தீக்குளித்து இறந்து விட்டார். இதனால் கிருஷ்ண மூர்த்தி மதுரைக்கு திரும்பி வந்து தாய் மேரியுடன் வசிக்க ஆரம்பித்தார்.

மேரிக்கு பல ஆண்களுடன் தொடர்பு இருந்தது. மதுரை எஸ்.எஸ். காலனி பிள்ளையார் கோவில் தெருவில் எலக்ட்ரிக் கடை வைத்திருக்கும் பாட்சா (வயது 38) என்பவருடன் மேரிக்கு தொடர்பு ஏற்பட்டு அது கள்ளக்காதலாக மாறியது. இருவரும் அடிக்கடி சந்தித்து உல்லாசமாக இருந்து வந்தனர்.

மேரியின் வீட்டுக்கு பாட்சா அடிக்கடி வர ஆரம்பித்தார். இந்த விஷயம் கிருஷ்ணமூர்த்திக்கு தெரிய வந்தது. அவர் தாயை கண்டித்தார். "இந்த வயதில் இப்படி ஒரு அசிங்கம் தேவையா? அக்கம்பக்கத்தில் உள்ளவர்கள் பேசுவதை கேட்டாலே அவமானமாக இருக்கிறது'' என்று சத்தம் போட்டார்.

ஆனாலும் மேரியால் தனது கள்ளத்தொடர்பை கை விட முடிய வில்லை. மகன் மீண்டும் மீண்டும் கண்டித்ததால், `இவன் உயிரோடு இருப்பதால்தானே இடைனிறாக இருக்கிறது. இவனை தீர்த்துக்கட்டி விட்டால் என்ன' என்று விபரீதமாக யோசிக்க ஆரம்பித்தார் மேரி. காதலர் பாட்சாவிடம் தனது திட்டத்தை கூறினார். அவரும் சம்மதம் தெரிவித்தார். சரியான சந்தர்ப்பத்தை எதிர்பார்த்து இருவரும் காத்திருந்தனர்.

தலையணையால் அமுக்கி கொலை

கடந்த சனிக்கிழமை இரவு கிருஷ்ணமூர்த்தி வீட்டுக்கு சாப்பிட வந்தார். உடனே மேரி செல்போனில் பாட்சாவுடன் தொடர்பு கொண்டு, "என் மகன், வீட்டுக்கு வந்திருக்கிறான். அவனை கொலை செய்ய இதுதான் நல்ல நேரம் உடனே புறப்பட்டு வாருங்கள்'' என்று அழைத்தார். பாட்சாவும் மேரியின் வீட்டுக்கு புறப்பட்டு வந்தார்.

பாட்சாவை பார்த்ததும் கிருஷ்ண மூர்த்திக்கு கடும் கோபம் ஏற்பட்டது. "இங்கு வராதே என்று பல முறை சொல்லியும் ஏன் வந்தாய்'' என்று சத்தம் போட்டார். தாயையும் கண்டித்தார்.
உடனே மேரியும் பாட்சாவும் சேர்ந்து கிருஷ்ண மூர்த்தியை தாக்கினார்கள். தலையணையால் கிருஷ்ணமூர்த்தியின் முகத்தில் வைத்து அமுக்கினார்கள். மூச்சு விட முடியாமல் துடிதுடித்த அவர் சிறிது நேரத்தில் உயிர் இழந்தார்.

கிருஷ்ண மூர்த்தியின் உடலை என்ன செய்வது என்று மேரியும் பாட்சாவும் யோசித்தனர். மூட்டையாக கட்டிவெளியே கொண்டு போனால் அக்கம்பக்கத்தினர் சந்தேகப்படுவார்களே என்று பயந்தனர்.

ஞாயிற்றுக்கிழமை முழுவதும் கிருஷ்ணமூர்த்தியின் உடல் வீட்டுக்குள்ளேயே இருந்தது. அன்று மாலை மேரியின் வீட்டில் இருந்து துர்நாற்றம் வீச தொடங்கியது. பக்கத்து வீட்டுக்காரர்கள் இது குறித்து மேரியிடம் கேட்டனர். அதற்கு அவர் வீட்டில் எலி செத்துக்கிடக்கிறது, பூனை செத்துக்கிடக்கிறது என்று பொய் சொல்லி சமாளித்தார்.

திங்கட்கிழமை வழக்கம் போல வேலைக்கு சென்று விட்டு மாலையில் வீடு திரும்பினார். அப்போது துர்நாற்றம் அதிகமாகவே ஊதுபத்தி, சாம்பிராணி கொளுத்தி வைத்தார்.
உடலை துண்டு துண்டாக வெட்டினர்

இனிமேலும் துர்நாற்றத்தை மறைக்கமுடியாது என்பது தெரிய வந்ததும் அடுத்து என்ன செய்யலாம் என்று மேரியும் பாட்சாவும் யோசித்தனர்.

உலகத்தில் எந்த தாயும் கனவில் கூட நினைத்து பார்க்க முடியாத ஒரு கொடூர எண்ணம் மேரியின் மனதில் உருவானது. மகனின் உடலை துண்டு துண்டாக வெட்டி யாருக்கும் தெரியாமல் பல இடங்களில் வீசி எறிந்து விடலாம் முடிவு செய்தார்.

திங்கட்கிழமை இரவு மேரியும் பாட்சாவும் சேர்ந்து கிருஷ்ணமூர்த்தியின் உடலை அரிவாளால் துண்டு துண்டாக வெட்டினார்கள். முதலில் கழுத்தை தனியாக அறுத்தனர். அதன்பிறகு 2 கைகளையும் வெட்டி எடுத்தார்கள். கால்களையும் தனித்தனியாக துண்டித்தனர்.

காய்கறிகளை தனித்தனி பிளாஸ்டிக் பைகளில் கட்டி வைப்பது போல 2 கைகளையும் தலையையும் ஒரு பிளாஸ்டிக் பையில் போட்டு பார்சலாக கட்டினார்கள். கால்களை ஒரு சாக்கு பையில் போட்டு கட்டினார்கள்.

உடலை என்ன செய்வது என்று யோசித்த அவர்களுக்கு வீட்டில் இருந்த பிரிட்ஜை பார்த்ததும் புது யோசனை உதித்தது. உடலை எடுத்து பிரிட்ஜில் வைத்து மூடினார்கள்.

அதன் பிறகு மேரியும் பாட்சாவும் 2 பார்சல்களையும் எடுத்துக்கொண்டு, ஒரு மோட்டார் சைக்கிளில் புறப்பட்டனர். அவர்களுடன் பாட்சாவின் நண்பர் ஜோசப் ஆண்டனி என்பவரும் சேர்ந்து கொண்டார். பார்சல்களை வீசுவதற்கு சரியான இடத்தை தேடி அலைந்தனர்.

மதுரை எல்லீஸ் நகர் ஆக்கி மைதானம் அருகே உள்ள கிருதுமால் நதி ஓடையில் தலை, கைகள் இருந்த பார்சலை வீசினார்கள். அங்கிருந்து பொன்மேனி பஸ் டெப்போவுக்கு எதிரே உள்ள கால்வாய்க்கு சென்றனர். கால்கள் இருந்த பார்சலை அங்கு வீசி விட்டு வீட்டுக்கு திரும்பினார்கள்.

செவ்வாய்க்கிழமை மேரியின் வீட்டில் இருந்து தொடர்ந்து துர்நாற்றம் வீசிக்கொண்டே இருந்தது. உடனே மேரி செண்ட் பாட்டில் வாங்கி வந்து வீடு முழுவதும் அடித்தார். அப்போதும் நாற்றம் போக வில்லை.

செவ்வாய்க்கிழமை இரவு கிருஷ்ணமூர்த்தியின் உடலை வெளியே வீச மேரியும் பாட்சாவும் முடிவு செய்தனர். உடலை பார்சலாக கட்டி எடுத்து சென்றால் குட்டு அம்பலமாகி விடும் என்பதால் பிரிட்ஜோடு தூக்கி செல்ல திட்டமிட்டனர். பாட்சா ஒரு டிரைசைக்கிளை எடுத்து வந்தார். பிரிட்ஜை ரிப்பேருக்கு எடுத்து செல்வதாக கூறிவிட்டு அதை டிரைசைக்கிளில் ஏற்றினார்கள். பிரிட்ஜில் கிருஷ்ணமூர்த்தியின் உடல் பாகம் இருந்ததால் அதில் இருந்து கடும் துர்நாற்றம் வீசியதை பக்கத்து வீட்டுக்காரர்கள் கவனித்தனர். ஆனாலும் அவர்களுக்கு உண்மை என்ன என்பது புரிய வில்லை.

கால்களை வீசிய அதே கால்வாய் பகுதிக்கு பிரிட்ஜை எடுத்து சென்ற இருவரும் உடலை வெளியே எடுத்து கால்வாய் ஒட்டி உள்ள செப்டிக் டாங்கில் போட்டனர். அதன்பிறகு மேரி தனது வீட்டுக்கு திரும்பி விட்டார். பாட்சா பிரிட்ஜை டிரைசைக்கிளில் எடுத்துக்கொண்டு தனது வீட்டுக்கு கொண்டு சென்றார். அங்கு பிரிட்ஜை இறக்கி அதை தண்ணீர் விட்டு கழுவி எதிர் வீட்டு முன் வைத்து விட்டு வீட்டுக்கு சென்றார்.

கிருஷ்ணமூர்த்தியின் உடலை அப்புறப்படுத்திய பிறகும் மேரியின் வீட்டில் இருந்து வந்த துர்நாற்றம் போகவில்லை. இதனால் சந்தேகம் வலுத்த நிலையில் அந்த பகுதியை சேர்ந்தவர்கள் நேற்று போலீசுக்கு தகவல் தெரிவித்தனர்.
போலீசார் விரைந்து வந்து மேரியிடம் விசாரித்தனர். வீட்டுக்குள் சென்று பார்த்தனர். முதலில் எதுவும் சொல்ல மறுத்த மேரி பின்னர் நடந்த விவரங்களை தெரிவித்தார். அவர் கூறிய தகவலால் உறைந்து போன போலீசார் மின்னல் வேகத்தில் நடவடிக்கையில் இறங்கினார்கள். முதலில் மேரியை கைது செய்தனர். அதன்பிறகு பாட்சாவை மடக்கி பிடித்தனர். அவரிடம் இருந்த பிரிட்ஜ் கைப்பற்றப்பட்டது. அவருடைய நண்பர் ஜோசப் ஆண்டனியும் கைது செய்யப்பட்டார்.

கிருஷ்ணமூர்த்தியின் உடல் பாகங்கள் எங்கெங்கு வீசப்பட்டன என்பதை விசாரணையில் தெரிந்து கொண்டு அந்த இடங்களுக்கு சென்று உடல் பாகங்களை கைப்பற்றினார்கள்.

கிருஷ்ணமூர்த்தியின் உடல் இருந்த பிரிட்ஜை டிரைசைக்கிளில் ஏற்றிச்செல்வதற்கு ஒரு வாலிபர் உதவி செய்து இருப்பதாக தெரிய வந்தது அவரை தேடி வருகிறார்கள். தொடர்ந்து விசாரணை நடந்து வருகிறது.

10 மாதம் சுமந்து பெற்ற மகனை கள்ளக்காதலுக்காக கொலை செய்ததோடு அவன் உடலை துண்டு துண்டாக வெட்டுவதற்கு ஒரு தாய்க்கு எப்படி மனது வந்தது என்று மதுரை நகர மக்கள் அதிர்ச்சியில் உறைந்து போய் உள்ளனர்.

மேரி வாக்குமூலம்

நடந்த சம்பவம் குறித்து மேரி அளித்த வாக்குமூலத்தில் கூறியிருப்பதாவது:-

"என் கணவர் துரைராஜ் கடந்த 8 ஆண்டுகளுக்கு முன்பு இறந்து விட்டார். எனக்கு 2 மகள்கள், ஒரு மகன். அவர்கள் அனைவருக்கும் திருமணம் செய்து கொடுத்து விட்டு, மதுரையில் தனியாக வசித்து வந்தேன். இந்த நிலையில் என் மகன் கிருஷ்ணமூர்த்தி கஞ்சா உள்பட போதைப் பழக்கத்திற்கு அடிமை ஆனான்.
இதனால் அவர்கள் குடும்பத்தில் அடிக்கடி தகராறு ஏற்பட்டது. இந்த மனவருத்தத்தில் எனது மருமகள் தீக்குளித்து தற்கொலை செய்து கொண்டாள். அதன்பிறகு என் மகன் என்னுடன் தான் வசித்து வந்தான். அவனுக்கு கஞ்சா அடிக்கும் பழக்கம் உள்ளதால் தினமும் என்னிடம் பணம் கேட்டு தொந்தரவு செய்வான். நானும் அவன் கேட்கும் பணத்தை கொடுத்துவந்தேன்.

இந்த நிலையில் எனக்கும், எல்லீஸ் நகர் பகுதியில் கோழிக் கடை மற்றும் எலக்ரானிக்ஸ் கடை வைத்திருக்கும் பாட்சா இடையே இருந்த தொடர்பு, எனது மகனுக்கு தெரியவந்தது. இதற்கு அவன் கடும் எதிர்ப்பு தெரிவித்து தினமும் என்னிடம் சண்டை போட்டான்.

மேலும் அவன் என்னிடம் தினமும் ரூ.300 பணம் கேட்டு வற்புறுத்தி வந்தான். பணம் தராவிட்டால் எனக்கும், பாட்சாவுக்கும் இடையே உள்ள கள்ளக்காதலை அம்பலப்படுத்தி விடுவதாக கூறி மிரட்டினான். தொடர்ந்து அவன் எனக்கும், பாட்சாவுக்கு கொடுத்த வந்த தொல்லையால், நாங்கள் இருவரும் சேர்ந்து அவனை கொலை செய்ய திட்டமிட்டோம்.

அதன்படி கடந்த 25-ந் தேதி இரவு வழக்கம் போல் கிருஷ்ணமூர்த்தி கஞ்சா அடித்து விட்டு போதையில் வீட்டிற்கு சாப்பிட வந்தான். இது தான் தக்க சமயம் என்று நினைத்து பாட்சாவிற்கு செல்போனில் தகவல் கொடுத்தேன்.
துண்டு துண்டாக வெட்டினோம்

அவர் வந்த பிறகு இருவரும் சேர்ந்து தலையணையால் அமுக்கி கிருஷ்ணமூர்த்தியை கொன்றோம். உடலை துண்டு துண்டாக வீசி, பார்சலாக வெளியே கொண்டு சென்று வீசினோம். உடல் பகுதியை மட்டும் பிரிட்ஜில் வைத்து இருந்து பிரிட்ஜோடு வெளியே கொண்டு சென்று உடலை வீசி எறிந்தோம்.
ஆனால் என் வீட்டில் அடித்த துர்நாற்றம், பிரிட்ஜை வெளியே கொண்டு சென்ற போது ஏற்பட்ட துர்நாற்றம் காரணமாக அந்தப் பகுதி மக்கள் சந்தேகப்பட்டு, போலீசாருக்கு தகவல் கொடுத்து விட்டனர். உடனே போலீசார் என் வீட்டிற்கு வந்து விசாரணை செய்து என்னையும், பாட்சாவையும் கைது செய்தனர்.''
இவ்வாறு மேரி வாக்குமூலத்தில் கூறியிருக்கிறார்.
==============

"குடும்ப வன்முறைச் சட்டம்" மற்றும் 498A பிரிவு கொள்வது என்ன?

ஆண்கள் மட்டும்தான் வன்முறையைச் செய்வார்கள். ஒரு பெண் தன் கண்வனமீது எந்தப் புகார் கொடுத்தாலும் அதை அப்படியே ஏற்றுக் கொண்டு கணவனையும் அவனது பெற்றோரையும் உடன்பிறப்புக்களையும் தண்டிக்கவேண்டும்!

தூக்குத் தூக்கி என்னும் படத்தில் வரும் வசனம் "கொலையும் செய்வாள் பத்தினி". இன்னும் கொஞ்சம் நாட்களில் இதை "கொலை மட்டும் செய்வாள் பத்தினி" என்று மாற்றவேண்டிய கட்டாயம் வருமோ என்று பயமாக இருக்கிறது!

இரண்டு வயது குழந்தையை கள்ளக்காதலனுடன் சேர்ந்து அடித்துக் கொன்ற தாய்

"குடும்ப வன்முறை தடுப்புச் சட்டம்" (The Protection Of Women From Domestic Violence Act, 2005, or "DV Act") வரையறைத்திருப்பது இவ்வாறு:

"குடும்ப வன்முறை" என்பது கணவன் அல்லது அவனது உறவினர்களால் அவனது மனைவியின்மேல் செய்யப்படுவது மட்டுமே. இந்தச் சட்டப்படி அந்த மனைவி தன் மீது உடலாலோ, உள்ளத்தாலோ, உளவியல் ரீதியாகவோ, செக்ஸ் தொடர்பாகவோ, பொருளாதார ரீதியாகவோ வன்முறை செய்யப்பட்டதாகக் கருதினால் அவர்கள் தண்டிக்கப்படுவார்கள். எவ்வாறு? முதலில் அவளுடைய கணவன் மற்றும் கணவனுடைய பெற்றோர் உறவினர் தங்கள் வீட்டை விட்டு வெளியேற்றப்படுவார்கள். யார் வீட்டை விட்டு? அவர்களுக்குச் சொந்தமான வீட்டைவிட்டு!அவர்கள் செய்த குற்றம்? இத்தகைய பெண்ணை மனைவியாக (மருமகளாக) அடைந்ததுதான்!

இந்த முழுமுட்டாள் தனமான சட்டத்தைப் பற்றி பிறிதொரு இடுகையில் விவரமாக எழுதுகிறேன். தற்பொது இந்த சுட்டிகளில் இதைப் பற்றி எழுதியுள்ளதைப் படியுங்கள்:

http://mynation.net/study-report-dvact.htm

http://www.498a.org/domesticViolence.htm

சரி. இப்போது "வன்முறையே செய்யத் தெரியாத" ஒரு மெல்லியலாளின் செயல்பாடு பற்றிய இன்றைய செய்தியை வாசியுங்கள்:-
------------------

இரண்டு வயது குழந்தையை கள்ளக்காதலனுடன் சேர்ந்து அடித்துக் கொன்ற பெண் கைது

ஜூலை 29,2009, செய்தி: தினமலர்

தூத்துக்குடி: தூத்துக்குடி அருகே வாழ்க்கைக்கு இடையூறாக இருப்பதாக கூறி தனது இரண்டு வயது பெண் குழந்தையை அடித்துக்கொன்ற பெண், அவரது கள்ளக்காதலனை போலீசார் கைது செய்தனர்.

விருதுநகர், அல்லம்பட்டியைச் சேர்ந்த கூலித் தொழிலாளி முருகன்(40). அவர் மனைவி மாரீஸ்வரி(34), இரண்டு வயது பெண் குழந்தை புனிதாவுடன் தூத்துக்குடி மாவட்டம் நாகலாபுரத்தில் வசித்து வந்தார். மாரீஸ்வரிக்கும், அதே ஊர் கட்டட தொழிலாளி காந்தாரிமுத்துவுக்கும்(43) கள்ளத் தொடர்பு ஏற்பட்டது. அதனால் கடந்த மூன்று மாதத்திற்கு முன் மாரீஸ்வரியை பிரிந்து முருகன், அல்லம்பட்டி சென்றுவிட்டார்.

காந்தாரிமுத்துவுடன், மாரீஸ்வரி குழந்தையை வைத்துக் கொண்டு ஒரே வீட்டில் வசித்தார்.

அடித்துக் கொலை:

தங்களது (கள்ளக்காதல்) வாழ்க்கைக்கு குழந்தை புனிதா, இடையூறாக இருப்பதாக கருதிய இருவரும் கடந்த 26ம் தேதி மாலை வீட்டிலிருந்த புனிதாவை கையால் அடித்தனர். மயங்கி விழுந்த குழந்தை புனிதா, ஆஸ்பத்திரிக்கு கொண்டு செல்லப்பட்டது. குழந்தை ஏற்கனவே இறந்துவிட்டதாக டாக்டர்கள் தெரிவித்தனர். அது எப்படி இறந்தது என தெரியாதென இருவரும் நாடகமாடினர்.

பிரேத பரிசோதனை முடிவில் குழந்தை அடித்துக் கொல்லப்பட்டது தெரியவந்தது. போலீசார் முறைப்படி விசாரித்ததில், குழந்தை புனிதாவை அடித்துக் கொன்றதை தாய் மாரீஸ்வரி, காந்தாரிமுத்து ஒப்புக்கொண்டனர். அதையடுத்து நேற்று கைது செய்யப்பட்ட இருவரும் விளாத்திகுளம் கோர்ட்டில் ஆஜர்படுத்தப்பட்டு சிறையிலடைக்கப்பட்டனர்.
-----------------------------

வாழ்க தாய்க்குலம்! வெல்க கள்ளக் காதல்!!

(இதற்கும் 498A-க்கும் என்ன சம்பந்தம்? - Dr. டோண்டு)

வாழைப்பழத்தில் விஷம் கலந்து கொடுத்து பச்சிளம் குழந்தையை கொன்ற கொடூர தாய்

”பெண்கள் எவ்வித வன்முறையிலும் ஈடுபட மாட்டார்கள். வன்முறை என்றால் அதை ஆண்தான் செய்வான். அதனால் குடும்ப வன்முறை வழக்குகளில் ஆண்கள்தான் குற்றவாளிகள். கணவனுக்கு எதிராக மனைவி தொடுக்கும் புகார் ஒன்றே போதும், வேறு சாட்சியங்கள் தேவையில்லை.” - இதுதான் இந்திய சட்டங்களின் மற்றும் அளிக்கப்படும் தீர்ப்புகளின் அடிப்படைக் கருத்தாக்கம்.

இந்தச் செய்தியை வாசித்து விட்டு அனைத்து பெண்களும் எவ்வளவு மென்மையானவர்கள்; அன்பே உருவானவர்கள், அவர்கள் எவ்வித வன்முறையையும் செய்யவே முனைய மாட்டார்கள் என்பதை அறிந்து கொள்ளுங்கள்:-
-----------------

பத்தனம்திட்டை,ஜுன்.24- 2009 . செய்தி - தினத்தந்தி

பச்சிளம் குழந்தைக்கு வாழைப்பழத்தில் விஷம் கலந்து கொடுத்து கொன்ற தாயை, போலீசார் கைது செய்தனர்.

தாய்மையின் பெருமையை பறைசாற்றுவதற்காக `பெத்த மனம் பித்து, பிள்ளை மனம் கல்லு' என்று சொல்வது உண்டு. ஆனால் ஈன்றெடுத்த பிள்ளைகளையும் சுமையாக நினைக்கும் தாய்மார்கள் இருக்கத்தான் செய்வார்கள் போலும்.

அன்னையின் அரவணைப்பு இருக்க, எந்தவித அச்சமுமின்றி துள்ளி விளையாடிய ஒரு பச்சிளம் குழந்தைக்கு, பெற்ற தாயே விஷம் வைத்து கொன்ற சம்பவம் இதற்கு ஓர் எடுத்துக்காட்டாக உள்ளது.

இது பற்றிய விவரம் வருமாறு:-

பத்தனம்திட்டை மாவட்டம் பீருமேடு அருகே உள்ள ராஜமுடி காலனியைச் சேர்ந்தவர் ரவீந்திரன். இவருடைய மனைவி பாக்கியம் (வயது34). கணவன்-மனைவி இருவரும் கூலிவேலை செய்து வந்தனர். இவர்களுக்கு 4 குழந்தைகள் பிறந்தன.

4-வதாக பிறந்த கார்த்திகா என்ற பெண் குழந்தைக்கு தற்போது 11/2 வயது ஆகிறது. படுசுட்டியான இந்தக்குழந்தை, நேற்று முன் தினம் இரவு தனது தாயுடன் தூங்கிக் கொண்டிருந்தது. அப்போது அதன் வாயில் இருந்து திடீரென நுரை- நுரையாக வெளிவந்தது.
இதனால் பாக்கியம் கூச்சலிட்டு, பக்கத்து வீட்டுக் காரர்களை உதவிக்கு அழைத்தார். பின்னர் அவர்களின் துணையுடன் தனது குழந்தையை அருகில் உள்ள மருத்துவமனைக்கு தூக்கிச் சென்றார்.

அங்கு குழந்தையை பரிசோதித்த டாக்டர்கள் அது இறந்து விட்டதாக தெரிவித்தனர். மேலும் மரணத்தில் சந்தேகம் அடைந்த அவர்கள் இது குறித்து போலீசுக்கும் தகவல் கொடுத்தனர்.

அதன்பேரில் பீருமேடு போலீசார் அங்கு விரைந்து சென்று விசாரணை நடத்தினர். இதில் பாக்கியம் தான் தனது குழந்தைக்கு பழத்தில் விஷம் வைத்து கொலை செய்துவிட்டு, நாடக மாடியது தெரியவந்தது.

இதையடுத்து பாக்கியத்தை போலீசார் கைது செய்தனர்.
குடும்ப வறுமை மற்றும் பெண் குழந்தை என்ற காரண த்தால் இந்த கொலைக்கு துணிந்ததாகவும், நாயை கொல்வதற்காக பக்கத்து வீட்டில் இருந்து வாங்கி வைத்திருந்த விஷ மருந்தை வாழைப்பழத்தில் கலந்து குழந்தைக்கு கொடுத்து கொன்றதாகவும், பாக்கியம் போலீசில் வாக்குமூலம் கொடுத்ததாக தெரிகிறது.

கள்ளக் காதலனுடன் இணைந்து கணவனைக் கொளுத்திய காரிகை

ஆகா! இவளல்லவோ பாரதி கண்ட புதுமைப் பெண்!

பெற்றுவிட்டோமே பெண் விடுதலை!

33 சதம் என்ன, முழு ஒதுக்கீடும் இந்தப் பெண் திலகங்களுக்கே!

அய்யோ பாவம், அடங்காத வெறி, என்ன செய்வாள் பேதை! கணவன், குடும்பம், கற்பு, பண்பாடு என்று எத்தனை விலங்குகள் பெண்களுக்கு! அவள் ஆசைப்பட்டபடி உல்லாசமாக இருக்க வேண்டி கணவனைக் கொலை செய்யவேண்டியுள்ளதே. இது தகுமா?

கள்ளக் காதலுக்காக கணவனைக் கொலை செய்வது தவறல்லவே. அந்தக் கள்ளக்காதலுக்கு இடையூறாக இருந்த கணவன் மேல்தானே தவறு. அந்தக் குற்றத்திற்காக அவனைப் பெற்ற தாய், தந்தையரைத் தூக்கிலிட வேண்டுமல்லவா! (கணவனைத்தான் கொலை செய்தாகி விட்டதே!). இத்தகைய சட்டத்தை உடனடியாக கொண்டு வரவேண்டுமே, எங்கே பெண்ணியவாதிகள், சமூக நல ஆர்வலர்கள், 498ஏ சிறப்பு வக்கீல்கள்!

இதோ இந்தச் செய்தியைப் படியுங்கள். இது அறிஞர் டோண்டு அவர்களுக்கு சமர்ப்பணம்!

--------------------

செய்தி: தினமலர். 25 ஜூன் 2009.

திருவண்ணாமலை: ஆரணி அருகே ஊராட்சி தலைவர் கொலையில், அவரது மனைவி மற்றும் கள்ளக்காதலனை போலீசார் கைது செய்தனர்.

ஆரணி அடுத்த மருசூர் ஊராட்சி தலைவர் சுந்தரமூர்த்தி; தி.மு.க.,வை சேர்ந்தவர். கடந்த 22ம் தேதி வீட்டில் தூங்கிய சுந்தரமூர்த்தி, வெடிவிபத்தில் உடல் கருகி இறந்தார்.

ஆரணி போலீசார் விசாரணை நடத்தியதில், சுந்தரமூர்த்தியின் மனைவி செந்தாமரை மீது சந்தேகம் ஏற்பட்டது. அவரது குடும்ப பின்னணி குறித்து போலீசார் விசாரணை நடத்தினர்.

செந்தாமரையின் அக்காவுக்கு சுந்தரமூர்த்தியை திருமணம் நிச்சயம் செய்த நிலையில், அவரது அக்கா வேறு ஒருவருடன் காதல் திருமணம் செய்து கொண்டார். அதனால் வேறு வழியின்றி, செந்தாமரைக்கும், சுந்தரமூர்த்திக்கும் திருமணம் செய்து வைத்தனர்.செந்தாமரைக்கு இந்தத் திருமணத்தில் விருப்பம் இல்லை.

திருமணமான சில நாட்களில் வேறொரு வாலிபருடன் கள்ளத்தொடர்பு வைத்துக் கொண்ட அவர், தன் தாய் வீட்டிற்கு சென்று விட்டார். அவரை பெற்றோர் சமாதானம் செய்து, கணவருடன் அனுப்பி வைத்துள்ளனர்.

இந்நிலையில், அதே பகுதியை சேர்ந்த மதியழகன் (27) என்ற வாலிபருடன் செந்தாமரைக்கு கள்ளக்காதல் ஏற்பட்டது. தங்களுக்கு இடையூறாக இருந்த சுந்தரமூர்த்தியை கொலை செய்ய கள்ளக்காதலர்கள் திட்டமிட்டனர்.

கடந்த 22ம் தேதி இரவு, திருவிழாவில் வெடிக்கும் உயர்ரக வகை பட்டாசுகள், ஐந்து லிட்டர் பெட்ரோலை மதியழகன் வாங்கி வந்து செந்தாமரையிடம் கொடுத்தார்.

பட்டாசு, பெட்ரோல் கேன் ஆகியவற்றை சுந்தரமூர்த்தி படுக்கையின் கீழ் அவரது மனைவி வைத்து விட்டார். சென்னை சென்று வந்த சுந்தரமூர்த்தி, இரவு 11 மணிக்கு படுக்கைக்கு சென்றார். அதிகாலை வேளையில் அவர் அயர்ந்து தூங்கிய போது, கேனில் இருந்த பெட்ரோலை, அவரது படுக்கை அறையில் மதியழகன் ஊற்ற, செந்தாமரை தீ வைத்துள்ளார். பின் மதியழகன் அங்கிருந்து தப்பிவிட்டார்.

தீ வைத்தவுடன் பட்டாசு வெடிக்க ஆரம்பித்தது. தீ கரும்புகை மூட்டத்துடன் இருந்ததால் அறையிலிருந்து சுந்தரமூர்த்தி தப்பி வெளியே வர முடியாமல் பரிதாபமாக இறந்தது விசாரணையில் தெரிந்தது.

வெடிவெடித்ததில் அவர் இறக்கவில்லை என்பதும், பெட்ரோல் தீ விபத்தில் அவர் இறந்திருப்பது பிரேதப் பரிசோதனையிலும் உறுதி செய்யப்பட்டது. இதையடுத்து செந்தாமரையையும், மதியழகனையும் போலீசார் கைது செய்தனர்.

போலீசாரிடம் செந்தாமரை கொடுத்த வாக்குமூலத்தில், "என் கணவருடன் தாம்பத்ய வாழ்க்கையில் திருப்தி இல்லை. மதியழகனுடன் எட்டு மாதமாக கள்ளத்தொடர்பு வைத்து உல்லாசமாக இருந்தேன். இந்த சந்தோஷத்துக்கு, சுந்தரமூர்த்தி தடையாக இருப்பார் எனக் கருதி, அவரை மதியழகனுடன் சேர்ந்து கொலை செய்தேன்' என்று கூறியுள்ளார்.

-------------------------

இதையே அந்தக் கணவன் செய்திருந்தால் அதற்கு வரதட்சணைக் கொலை என்று நாமகரணம் சூட்டி அதற்கான சிறப்புச் சட்டங்களைப் பயன்படுத்தி ஏனைய குற்றவியல் சட்டங்கள் ஏதும் இதற்குப் பொருந்தாத வகையில் சாட்சியம் எதுவும் தேவையில்லை என்றும், தான் கொலை செய்யவில்லை என்று குற்றம் சாட்டப்பட்ட கணவன்தான் நிரூபிக்க வேண்டும் என்று கூறும் அடாவடி சட்டங்கள் பேரில் தூக்கிலிடப் படுவான்.

ஆனால் இந்தப் பத்தினித் தெய்வத்தைப் பாருங்கள், ஏதோ, கடையில் கம்மர்கட்டு வாங்கித் தின்பதுபோல் கணவனை வெடி வைத்து எரித்துவிட்டு சர்வ சாதாரணமாக கள்ளக் காதலனுடன் நின்று போஸ் கொடுத்துக் கொண்டிருக்கிறாள். (கணவனைக் கொலை செய்தவள் என்பதற்காக “ள்” விகுதி போடுவது தவறு “ர்” என்றுதான் குறிப்பிடவேண்டும் என்பார் சில அறிஞர்கள்!)

திருமணத்திற்கு மாற்று என்னென்ன என்பது பற்றி சிந்திப்போம்!

திருமணம் என்பது ஆண்களுக்கும் அவனது பெற்றோருக்கும் ஒரு பாம்புப் புற்றில் கைவிடுவது போன்றது.

தாயைக் கொலை செய்த தையல்!

பெற்றதாயை கொன்ற ஆசிரியை, நண்பருடன் டில்லியில் கைது

ஜூன் 03,2009. செய்தி: தினமலர்

புதுடில்லி : பெற்ற தாயை திட்டமிட்டு கொலை செய்த பள்ளி ஆசிரியை, நண்பருடன் கைது செய்யப்பட்டார்.

மேற்கு டில்லி, பஷ்சிம் விகார் பகுதியில் வசித்தவர் கிரண் கபூர்(55). சில நாட்களுக்கு முன் மர்மமான முறையில், கொல்லப்பட்டார். கொலையை இரு கொள்ளையர்கள் செய்ததாக, கிரணின் மகள் சாக்ஷி கபூர் (26) தெரிவித்திருந்தார். இது குறித்து, வழக்கு பதிவு செய்த போலீசார் விசாரித்த போது, சாக்ஷிக்கு, சன்னி பாத்ரா(21) என்ற நண்பர் இருப்பது தெரியவந்தது.

மேலும் போலீசார், அவரிடம் விசாரித்த போது முன்னுக்கு பின்னாக பதிலளித்தார். சம்பவத்தன்று கிரணின் அறையில் "டிவி'யின் சத்தம் கேட்டதாகவும், கத்தியால் குத்தப்பட்ட நிலையில் இறந்து கிடந்ததாகவும் தெரிவித்தார்.சாக்ஷி கபூருக்கு பலரிடமும் நட்பு இருந்தது. இதற்கு வீட்டார் கடும் எதிர்ப்பு தெரிவித்தனர். கடந்த ஓராண்டாக சன்னியுடனும் நட்பாகப் பழகியுள்ளார்.

சம்பவத்தன்று, கோவிலுக்கு சென்று வந்த கிரண் வீட்டில் சன்னி இருப்பதைப் பார்த்து கோபம் கொண்டார் . இதனால், சாக்ஷியையும், சன்னியையும் கடுமையாக திட்டியுள்ளார் கிரண். இதில் ஆத்திரமடைந்த இருவரும் பீர் பாட்டில் மற்றும் கத்தியால் கிரணை தாக்கினர். நிலைக்குலைந்த கிரண் சம்பவ இடத்திலேயே, ரத்த வெள்ளத்தில் இறந்தார்.

கொலையை மறைக்க முயன்ற சாக்ஷி, கொலைக்கு பயன்படுத்திய கத்தி மற்றும் பாட்டில்களை, சன்னியிடம் கொடுத்து அனுப்பிவிட்டார். அதன்பின் அனைவருக்கும் தகவல் கொடுத்துள்ளார். இரு மர்ம நபர்களால், தனது தாய் கொலை செய்யப்பட்டதாக தெரிவித்து தப்பவும் திட்டமிட்டார்.இது தொடர்பாக சன்னி மற்றும் சாக்ஷியை கைது செய்த போலீசார் மேலும் விசாரித்து வருகின்றனர்.

தவறான கருத்தாக்கம்

அனைத்துப் பெண்களுமே மெனமையானவர்கள், வன்முறையே செய்யமாட்டார்கள் என்றும், அனைத்து ஆண்களும் கிரிமினல்கள், வன்முறையாளர்கள் என்னும் நேர்கோட்டு அனுமானத்தில் குடும்பச் சட்டங்கள் இயற்றப்பட்டு, நீதிபதிகளும் இத்தகைய தவாறான கருத்தியலின் அடிப்படையிலேயே தீர்ப்புகளை வழங்குகிறார்கள். இரு பாலரிடையே பாகுபடுத்தி ஒரு தலைச் சார்பு மனப்பான்மையில் இவை செயல்படுவதால் தற்போது குடும்ப வாழ்வு முறையே ஒட்டு மொத்தமாக அழிந்து போகும் நிலையை நெருங்கிக் கொண்டிருக்கிறது.

இந்தச் செய்தியை வாசியுங்கள்:-

”கடனை திருப்பிக் கேட்ட பெண்ணின் கழுத்தை அறுத்துக் கொன்ற பெண் கைது மாட்டிக்கொள்வோம் என்ற பயத்தில் சொந்த மகளையும் கொன்ற வெறிச்செயல் அம்பலம்”

கொல்லம், மே.5- 2009. செய்தி: தினத்தந்தி

கடனை திரும்பிக் கேட்ட பெண்ணின் கழுத்தை அறுத்துக்கொலை செய்த பக்கத்துவீட்டைச் சேர்ந்த பெண் கைது செய்யப்பட்டார்.

மாட்டிக்கொள்வோம் என்ற பயத்தில் அவர் தனது சொந்த மகளையும் கொலை செய்திருந்த சம்பவம் விசாரணையில் அம்பலமானது.

கொல்லம் குழியம் செருமூடு பகுதியைச் சேர்ந்தவர் சிவன் குட்டி. இவருடைய மனைவி பிந்து (வயது35). இவரும் இதே பகுதியைச் சேர்ந்த ஸ்ரீஜா என்பவரின் மகள் அனுபமா (9) என்பவரும் நேற்று முன்தினம் கொலை செய்யப்பட்டுக் கிடந்தனர். அவர்களின் பிணங்களை போலீசார் கைப்பற்றி பிரேத பரிசோதனைக்கு அனுப்பி வைத்ததோடு, இது குறித்து வழக்கு பதிவு செய்து விசாரணை நடத்தினர்.

இதில், கொலை செய்யப் பட்ட சிறுமி அனுபமாவின் தாய் ஸ்ரீஜா (33) தான் 2 கொலைகளையும் செய்து உள்ளார் என்ற திடுக்கிடும் தகவல் தெரியவந்தது.

இது குறித்து காவல்துறை தரப்பில் கூறப்படுவதாவது:-

பிந்து ஏலச்சீட்டு நடத்தி வந்தார். அவரிடம் ஸ்ரீஜா ரூ.40 ஆயிரம் கடன் வாங்கி இருந்தார். இந்த கடன் தொகையை பலமுறை திருப்பிக்கேட்டும் ஸ்ரீஜா கொடுக்க வில்லையாம். சம்பவத்தன்று இது தொடர்பாக அவர்களிடையே கடும் வாக்குவாதம் ஏற்பட்டது. இதில் ஆத்திரம் அடைந்த ஸ்ரீஜா, பிந்துவின் கழுத்தில் சுரிதார் ஷால் மூலம் இறுக்கினார். அப்போது அவர் பலத்த சத்தம் போடவே, ஸ்ரீஜா அங்கிருந்த கத்தியை எடுத்து பிந்துவை சரமாரியாக குத்தினார். இதில் அவர் ரத்த வெள்ளத்தில் சாய்ந்தார். பின்னர் அவரது கழுத்தை அறுத்து கொலை செய்தார்.

இதையடுத்து ஸ்ரீஜா, ரத்தக்கரையை கழுவுவதற்காக அங்கிருந்த குளத்திற்கு சென்றார். இந்த நேரத்தில் அவரது மகள் அனுபமாவும் தனது தாயை பார்த்து அவருடன் சென்றாள். இதற்கிடையில் பிந்து கொலை செய்யப்பட்ட செய்தி பரவி ஊர் மக்கள் பெருந்திரளமாக ஓடி வந்தனர். அவர்களின் பார்வையில் சிக்காமல் இருக்க ஸ்ரீஜா அந்தக்குளத்தின் மதில் சுவரின் பின்னால் ஒளிந்தார். அப்போது அனுபமா தனது தாயிடம் சத்தமாக பேசினார். அவளது சத்தம்கேட்டு பொதுமக்கள் தன்னை பிடித்து விடுவார்கள் என்று பயந்த ஸ்ரீஜா தனது மகளை அந்தக்குளத்தில் தள்ளினார். இதில் அந்தச்சிறுமி நீரில் மூழ்கி இறந்தார். இதையடுத்து ஸ்ரீஜா அதே பகுதியில் உள்ள கிணற்றில் குதித்து தற்கொலை செய்ய முயன்றார். ஆனால் அவரை பொதுமக்கள் காப்பாற்றி ஆஸ்பத்திரியில் சேர்த்தனர். பின்னர் அவரிடம் நடத்திய விசாரணையில் மேற்கண்ட தகவல்கள் தெரியவந்தது. இதையடுத்து ஸ்ரீஜாவை போலீசார் கைது செய்தனர். கொலைக்கு வேறு காரணம் ஏதும் உள்ளதா என்றும் போலீசார் விசாரணை நடத்தி வருகின்றனர்.

'டிவி'பார்க்காதே என திட்டிய மாமியாரை கொலை செய்த மருமகள்

ஏப்ரல் 30,2009 தினமலர்

தூத்துக்குடி: தூத்துக்குடி அருகே "டிவி' பார்க்கும் தகராறில் தன்னை திட்டிய மாமியாரை, கட்டையால் அடித்துக் கொலை செய்த மருமகளும், கொலையை மறைத்த மகனும் கைதுசெய்யப்பட்டனர். தூத்துக்குடி மாவட்டம் கயத்தாறு அடுத்த குப்பனாபுரம் கூலித்தொழிலாளி உடையார்(38), அவரது மனைவி பொன்னுத்தாய்(33), இரு குழந்தைகள் உள்ளனர்.


பொன்னுத்தாய் "டிவி'நிகழ்ச்சிகளை விரும்பி பார்ப்பார்.அதுதொடர்பாக அவருக்கும் மாமியார் ஆறுமுகத்தாயிக்கும் (55) அடிக்கடி தகராறு ஏற்படும்.


கட்டையால் அடித்துக் கொலை:


நேற்று முன்தினம் மாலை வழக்கம்போல் பொன்னுத்தாய் "டிவி' பார்த்துக்கொண்டிருந்தார். எரிச்சலடைந்த ஆறுமுகத்தாய், ""வீட்டுவேலைகளை பார்க்காமல் "டிவி' மட்டும் பார்த்தால் எப்படி' 'என கேட்டுள்ளார். அதில் இருவருக்கும் வாக்குவாதம் ஏற்பட்டுள்ளது. ஆத்திரமடைந்த பொன்னுத்தாய், அங்கிருந்த கட்டையால் மாமியார் ஆறுமுகத்தாயின் பின் தலையில் ஓங்கி அடித்தார். அதில் காயமடைந்த ஆறுமுகத்தாய் இறந்துபோனார்.

இயற்கை மரணம் என்று கூறி ஆறுமுகத்தாயின் உடல் இறுதிசடங்கிற்கு கொண்டு செல்ல தயாராக இருந்த நேரத்தில் தகவலறிந்து அங்கு வந்த கடம்பூர் இன்ஸ்பெக்டர் பீர்முகைதீன், உடலைகைப்பற்றினார். மாமியாரை கொலை செய்த மருமகள் பொன்னுத் தாய், அவர் இறந்ததை போலீசுக்கு தெரியாமல் மறைக்க முயன்ற ஆறுமுகத்தாயின் மகன் உடையாரை கடம்பூர் போலீசார் கைது செய்தனர்.

ஐயோ பாவம் பெண்குலம், ஆசிட் வீசிய மனைவி

குடும்ப வன்முறைச் சட்டம் வரையறைத்துள்ளது என்ன?

1. “குடும்ப வன்முறை என்பது ஆண்கள் மட்டுமே செய்வது.”

2. ”குடும்பத்தில் உடலாலோ, மனத்தாலோ, சொல்லாலோ வன்முறைக்கு
உட்படுத்தப்படுவது பெண்கள் மட்டுமே.”

3. அதனால் ஒரு பெண் அவளுடைய கணவன் தன்னை முறைத்துப் பார்த்தோ, தன் கேள்விக்கு பதில் சொல்லாமல் மௌனமாக இருந்தோ, அவனுடைய தலையைத் திருப்பிக் கொண்டா உளவியல் ரீதியான வன்முறை செய்ததாக புகார் கொடுத்தால் யாதொரு விசாரணையும் இன்றி வழக்கு பதிவு செய்யப்பட்டு, அந்தக் கணவனும் அவனது பெற்றோரும் அவர்களுடைய வீட்டிலிருந்தே (அதாவது அந்தக் கணவனும் அவர்தம் பெற்றோரும் தங்கள் சுய சம்பாத்தியத்தில் வாங்கிய வீட்டிலிருந்து) வெளியேற்றப்பட்டு, அந்த வீடு புகார் கொடுத்த பெண்ணிடம் ஒப்படைக்கப்படும்.

இதுதானய்யா இந்த THE PROTECTION OF WOMEN FROM DOMESTIC VIOLENCE ACT, 2005 (D.V. Act) சட்டம் சொல்வது!

சந்தேகமிருந்தால் இந்த வலைத்தளத்திற்குச் http://indiankanoon.org/doc/542601/ சென்று படித்துப் பாருங்கள். அல்லது ஒரு வக்கீலிடம் கேளுங்கள்.

சரி. இப்போது இந்த செய்தியை வாசியுங்கள்:-

குடும்பத் தகாறாரில் போலீஸ் ஏட்டு மீது `ஆசிட்' வீசிய மனைவி. பூந்தமல்லி, ஏப்.25- 2009

குடும்பத்தகராறு காரணமாக போலீஸ் ஏட்டு மீது அவருடைய மனைவியும் மகளும் ஆசிட்டை வீசினார்கள். இதில் படுகாயம் அடைந்த அவர் ஆஸ்பத்திரியில் சிகிச்சை பெற்று வருகிறார்.

ஆவடி நந்தனம் மேட்டூர் பாரதி தெருவை சேர்ந்தவர் ரவி (வயது 51). இவர் போலீஸ் ஏட்டாக பணியாற்றி வருகிறார். இவருடைய மனைவி வனஜா. ரவிக்கு தெரியாமல் மூத்த மகள் நித்யமூர்த்திக்கு, வனஜா திருமணம் செய்து வைத்ததாக கூறப்படுகிறது. இதனால் கணவன் -மனைவிக்கு இடையே கருத்து வேறுபாடு ஏற்பட்டதால் இருவரும் பிரிந்து வாழ்ந்தனர். கடந்த 4 ஆண்டுகளாக ரவி மனைவியை பிரிந்து வாழ்ந்து வருகிறார்.

கடந்த 4 மாதங்களுக்கு முன்பு ரவி, அரக்கோணம் டவுன் போலீஸ் நிலையத்திற்கு மாற்றப்பட்டார்.

கணவன்-மனைவிக்கு இடையே ஏற்பட்ட தகராறு கோர்ட்டுக்கு சென்றது. இருவரையும் சேர்ந்து வாழ கோர்ட்டு உத்தரவிட்டது. இதன்பேரில் சில நாட்களாக ரவி, தன்னுடைய மனவி வனஜா, மகள் சரண்யா ஆகியோருடன் வசித்து வந்தார்.

சம்பவத்தன்று ரவி வீட்டுக்கு சென்றபோது வனஜாவும், சரண்யாவும் சேர்ந்து அவர் முகத்தில் ஆசிட்டை வீசியதாக கூறப்படுகிறது. இதில் முகம் வெந்த நிலையில் ரவி தனியார் ஆஸ்பத்திரியில் சேர்க்கப்பட்டார். கண்ணில் பாதிப்பு ஏற்பட்டதால் பின்னர்அவர் எழும்பூர் கண் ஆஸ்பத்திரியில் சிகிச்சைக்காக சேர்க்கப்பட்டுள்ளார். இது குறித்து ஆவடி போலீசார் வழக்குப்பதிவு செய்து விசாரணை நடத்தி வருகிறார்கள்.

பெற்ற குழந்தையின் கழுத்தை நெறித்த தாய்க்குலம்

கணவன் மேல் கொண்ட கோப வெறியில் தான் பெற்ற பச்சிளம் குழந்தைகளை கழுத்தை நெறித்தும், வீசியெறிந்தும் கொலை செய்ய முயற்சித்தாள் தாய்!


சென்னை, ஏப்.25- 2009


சென்னை கோடம்பாக்கம் புலினிர் வீட்டு வசதி வாரிய குடியிருப்பு பகுதியைச் சேர்ந்தவர் திவ்யா(வயது 30). இவர் நேற்று காலையில் போலீஸ் கமிஷனர் அலுவலகத்துக்கு தனது 2 குழந்தைகளுடன் வந்தார். திடீரென்று தனது குழந்தையின் கழுத்தை நெறித்து கொலை செய்ய முயன்றார். குழந்தை கதறி அழுதது. பின்னர் இன்னொரு குழந்தையை வேகமாக வந்த போலீஸ் வேன் முன்பு தூக்கி வீசினார். வேனை பிரேக் போட்டதால் குழந்தை தப்பியது. இதற்கிடையில் அந்த இளம் பெண்ணும் தீக்குளித்து தற்கொலை செய்யப்போவதாக கூறினார். இந்த சம்பவத்தால் அங்கு பெரும் பரபரப்பு ஏற்பட்டது.

உடனே அங்கு காவலுக்கு நின்ற பெண் போலீசார் 2 குழந்தைகளையும், இளம்பெண் திவ்யாவிடம் இருந்து மீட்டனர். குழந்தையை மீட்க பெண் போலீசார் பெரும் பாடுபட்டனர். இதுபற்றி தகவல் கிடைத்தவுடன் எழும்பூர் பெண் போலீஸ் இன்ஸ்பெக்டர் நசிமா விரைந்து சென்று திவ்யாவையும், 2 குழந்தைகளையும் அழைத்து சென்றார். எழும்பூர் போலீஸ் நிலையத்தில் வைத்து விசாரணை நடந்தது.

விசாரணையில், தற்கொலைக்கு முயன்றது ஏன்? என்பது குறித்து இளம் பெண் திவ்யா, போலீசாரிடம் கூறியதாவது:-


எனது கணவர் கமிஷனர் அலுவலகத்தில் ஊழியராக பணியாற்றுகிறார். அவர், என்னையும், எனது குழந்தைகளையும் சரியாக பார்த்துக்கொள்ளவில்லை. இரவு நீண்டநேரம் கழித்து வீட்டுக்கு வருகிறார். இதுதொடர்பாக அயனாவரம் போலீசில் புகார் கொடுத்தேன். நடவடிக்கை எடுக்கவில்லை. ஏற்கனவே எனது கணவர் அவரது முதல் மனைவியை விவாகரத்து செய்துவிட்டார். அதன்பின் என்னை திருமணம் செய்து கொண்டார். அவரிடமிருந்து எனக்கு விவாகரத்து வாங்கித்தர வேண்டும்.
இவ்வாறு திவ்யா கூறினார்.


பெண் போலீசார் திவ்யாவை கவுன்சிலிங் மூலம் சமாதானப்படுத்தினார்கள். உங்கள் கணவரோடு 6 மாதம் சேர்ந்து வாழுங்கள். அதன்பிறகும் உங்களுக்கு திருப்தி ஏற்படாவிட்டால், கோர்ட்டில் சட்டப்பூர்வமாக வழக்குபோட்டு கணவரிடம் விவாகரத்து பெற்றுக்கொள்ளுங்கள் என்று சமாதானம் கூறி அனுப்பி வைத்தனர்.


திவ்யாவின் கணவரிடமும் விசாரணை நடந்தது. அவர் இனிமேல் ஒழுங்காக வாழ்வதாக போலீசாரிடம் எழுதி கொடுத்துவிட்டு சென்றார்.


===========


இந்திய கோர்ட்டுகளில் விவாக ரத்து நிகழும்போது குழந்தைகளை தாயிடம்தான் பெரும்பாலும் ஒப்படைக்கிறார்கள். ஆனால் தாய்க்குலத்தின் லட்சணம் எப்படி இருக்கிறது பாருங்கள்! இத்தகைய கொலைகார, வெறி பிடித்த பெண்பேய்கள் கையில் சிக்கி, தகப்பன் அன்பு தெரியாமல் வளர்வதால்தான் பல சிறார்கள் இள வயதிலேயே குற்றவாளிகளாகவும், சமூக விரோதிகளாகவும் மாறுகிறார்கள்!


பெண்களுக்கு தங்கள் கோபமும் வெறியும்தான் முக்கியம். தான் பெற்ற குழந்தைகளோ, தன்னைப் பெற்ற தாய் தந்தையரோ முக்கியமில்லை!

கள்ளக் காதலனை கைப்பிடிப்பதற்காக கணவரை கொன்ற புதுப்பெண்

பெங்களூர், ஏப்.16- 2009

திருமணம் ஆன 5 மாதங்களில், கணவரை கொன்ற புதுப்பெண் கைது செய்யப்பட்டார். கல்லூரி காதலனை கைப்பிடிப்பதற்காக அவர் கணவரை கொலை செய்தது பற்றி பரபரப்பு தகவல் வெளியாகி உள்ளது.

பெங்களூர், ராமசாமி பாளையம் நஞ்சுண்டப்பா கார்டன் பகுதியில் வசித்து வந்தவர் உமேஷ்கிருஷ்ணன் (வயது 26). கம்ப்னிட்டர் என்ஜினீயர். இவர் பெங்களூரில் ஒரு கால் சென்டரில் வேலைபார்த்து வந்தார். இவரது மனைவி பெயர், ஹனிமேரி.

உமேஷ் கிருஷ்ணன் ஈரோட்டை சேர்ந்தவர். இவரது தந்தை ரெயில்வே துறையில் வேலை செய்து வருகிறார். உமேஷ்கிருஷ்ணன்-ஹனிமேரி திருமணம், கடந்த அக்டோபர் மாதம் நடந்தது. அதன் பிறகு 2 பேரும் பெங்களூரில் வசித்து வந்தனர்.

இந்தநிலையில் மார்ச் மாதம் 2-ந்தேதி அதிகாலையில் மர்ம மனிதர்கள் வீட்டிற்கு நுழைந்து உமேஷ்கிருஷ்ணனை கொலை செய்து விட்டு நகைகளை கொள்ளையடித்து தப்பி விட்டதாக பக்கத்து வீட்டில் வசித்தவர்களிடம் ஹனிமேரி பதற்றத்துடன் கூறினார்.

உடனே அக்கம் பக்கத்தினர் அவரது வீட்டிற்கு வந்தனர். அப்போது உமேஷ்கிருஷ்ணன் கை, கால்கள் கட்டப்பட்டு பிணமாக கிடந்தார். அவருடைய முகம் முழுவதும் செல்லோ டேப் ஒட்டப்பட்டிருந்தது.

தகவல் கிடைத்ததும் பெங்களூர், பானஸ்வாடி போலீசார் விரைந்து சென்று விசாரணை நடத்தினார்கள். இந்த கொலை பெங்களூரில் பெரும் பரபரப்பை ஏற்படுத்தியது. இந்த சம்பவம் குறித்து விசாரிப்பதற்கு 4 தனிப்படை அமைக்கப்பட்டு தீவிர விசாரணை நடைபெற்றது.

இந்த நிலையில், ஹனிமேரி புகாரில் போலீசாருக்கு சந்தேகம் ஏற்பட்டது. அதைத்தொடர்ந்து அவரது செல்போன் நம்பரை போலீசார் தீவிரமாக கண்காணித்து வந்தனர். போலீசாருக்கு கிடைத்த தகவலின்படி ஹனிமேரியை கைது செய்தனர். போலீசார் அவரிடம் நடத்திய விசாரணையில் வெளியான திடுக்கிடும் தகவல்கள் வருமாறு:-

கல்லூரி காதல்

ஹனிமேரி, கோயம்புத்தூரில் படிக்கும்போது அவருக்கு முத்துகுமார் என்ற என்ஜினீயருடன் பழக்கம் ஏற்பட்டுள்ளது. முத்து குமார், திருநெல்வேலி டவுனை சேர்ந்தவர். கடந்த 2006-ம் ஆண்டு கோயம்புத்தூரில் ஒரு என்ஜினீயரிங் கல்லூரியில் படித்த போது ஹனிமேரி-முத்து குமார் இடையே ஏற்பட்ட நட்பு காதலாக மலர்ந்தது.

இதற்கிடையே, முத்துகுமார் என்ஜினீயரிங் படிப்பை முடித்து விட்டு குஜராத் மாநிலத்தில் உள்ள ஒரு நிறுவனத்தில் வேலைக்கு சேர்ந்து விட்டார். இந்தநேரத்தில்தான், ஹனிமேரிக்கும் உமேஷ்கிருஷ்ணனுக்கும் திருமணம் நிச்சயம் செய்யப்பட்டது.

ஹனிமேரியின் தந்தையும் உமேஷ்கிருஷ்ணனின் தந்தையும் நண்பர்கள். 2 பேரும் ரெயில்வே துறையில் வேலை செய்து வந்ததால் நட்பு அடிப்படையில் 2 குடும்பத்தினரும் பேசி திருமணத்திற்கு ஏற்பாடு செய்தனர். ஆனால் ஹனிமேரி தனது காதல் விவகாரத்தை வீட்டில் யாரிடமும் சொல்லவில்லை.

ஹனிமேரி-உமேஷ் தம்பதி திருமணம் முடிந்ததும் பெங்களூருக்கு தனிக்குடித்தனம் வந்தார்கள். பெங்களூர் பானஸ்வாடி போலீஸ் சரகத்தில் உள்ள நஞ்சுண்டப்பா கார்டன் என்ற பகுதியில் உள்ள ஒரு வீட்டில் அவர்கள் வசித்தனர்.

திருமணம் ஆன பிறகும் ஹனிமேரிக்கு தனது காதலனை மறக்க முடியாமல் தவித்து வந்தார். பெற்றோர் பார்த்து திருமணம் செய்துவைத்த கணவனோடு வாழ அவரது மனம் இணங்கவில்லை. உமேஷ், கால்சென்டர் வேலைக்கு சென்றதும் ஹனிமேரி குஜராத்தில் உள்ள முத்துகுமாருடன் செல்போனில் பேசுவது வழக்கம்.

அப்போது, 2 பேரும் தங்களது காதல் நாட்களை மணிக்கணக்கில் பேசிக்கொண்டே இருப்பார்கள். இதனால் ஹனிமேரியின் மனம், கணவனை விட்டு காதலனை நாடத்தொடங்கியது. இதன்விளைவு ஹனிமேரிக்கு காதலனுடன் வாழ வேண்டும் என்று விரும்பத்தொடங்கினார். இதனால் ஹனிமேரி காதலனுடன் சேர்ந்து கணவனை தீர்த்துக்கட்ட ரகசிய திட்டத்தை தீட்டினார்.

முத்துகுமார் அந்த ரகசிய திட்டம் பற்றி அவருடன் வேலைபார்க்கும் சஜ்ஜன் என்பவரிடம் கூறினார். சஜ்ஜன் அவருடைய நண்பரான சந்தன் என்பவரிடம் கூறி, ஆலோசனை கேட்டுள்ளார். அதன் பிறகு பிபின் குமார் மற்றும் பாஸ்கல் ஆகிய 2 பேர் பெங்களூருக்கு வந்து ஹனிமேரியை சந்தித்து முத்துகுமார்தான் தங்களை அனுப்பினார் என்று கூறினர்.

பிபின்குமார், பாஸ்கல் ஆகிய 2 பேரும் ஹனிமேரி தங்கியிருந்த வீடு மற்றும் அக்கம் பக்கத்தில் யார் வசிக்கிறார்கள் என்பது பற்றி நோட்டம் விட்டு குஜராத் சென்று முத்துகுமாரிடம் தெரிவித்தனர். பின்னர் அவர்கள் அனைவரும் ஒன்று சேர்ந்து உமேசை எப்படி கொலை செய்வது என்று ஆலோசனை நடத்தினார்கள்.

சம்பவத்தன்று அதிகாலை பிபின்குமார் மற்றும் பாஸ்கல் ஆகிய 2 பேரும் உமேஷ் தங்கியிருந்த வீட்டிற்கு வந்தனர். அவர்களது வருகையை முன்கூட்டியே தெரிந்து வைத்திருந்த ஹனிமேரி இரவு கதவை பூட்டாமல் சாத்தியே வைத்திருந்தார். இதனால், எந்த சத்தமும் இல்லாமல் அவர்கள் 2 பேரும் வீட்டிற்குள் நுழைந்தனர்.

அப்போது உமேஷ் ஆழ்ந்த உறக்கத்தில் இருந்தார். உடனே, அவர்கள் 2 பேரும் உமேசின் கை கால்களை கட்டிப்போட்டு முகத்தில் செல்லோ டேப் கொண்டு அழுத்தமாக ஒட்டி விட்டனர். இதனால் மூச்சு திணறி உமேஷ் பரிதாபமாக இறந்தார்.

அதன் பிறகு, ஹனிமேரியிடம் இருந்து தங்கச்சங்கிலி மற்றும் 2 செல்போன்களை வாங்கிக்கொண்டு அவர்கள் 2 பேரும் குஜராத் சென்று முத்துகுமாரிடம் தகவலை தெரிவித்தனர். பிபின்குமார் மற்றும் பாஸ்கல் ஆகிய 2 பேரும் தப்பி சென்ற பிறகு, ஹனிமேரி வெளியே வந்து அக்கம் பக்கத்து வீட்டினரிடம் கொள்ளையர்கள் அவரது கணவரை கொலை செய்துவிட்டு நகைகளை பறித்துச்சென்றதாக நாடகம் ஆடியது விசாரணையில் அம்பலம் ஆனது.

இந்த கொலை தொடர்பாக விசாரணை நடத்திய போலீசார் கடந்த 11-ந் தேதி பிபின் குமாரை சென்னையில் கைது செய்தார்கள். ஹனிமேரி, பெங்களூரில் உள்ள அவரது மாமா வீட்டில் இருந்த போது கைது செய்யப்பட்டார்.

இவர்கள் 2 பேரும் போலீசாரிடம் சிக்கி விட்டார்கள் என்பதை தெரிந்து கொண்ட முத்துகுமார், சந்தன், பாஸ்கர் மற்றும் சஜ்ஜன் ஆகிய 4 பேரும் தலைமறைவாகி விட்டனர். அவர்கள் 4 பேரையும் போலீசார் வலை வீசி தேடிவருகிறார்கள். கொலை செய்தபின் ஹனிமேரி-முத்துகுமார் இருவரும் வெளிநாட்டிற்கு தப்பி செல்ல திட்டமிட்டு இருந்ததாகவும் விசாரணையில் தெரிய வந்துள்ளது.